30 ఏళ్లకే క్యాన్సర్ బారిన పడి మరణించిన యువ నటుడు..!

ఈ మధ్య కాలంలో వరుసగా సినీ పరిశ్రమలో విషాదాలు చోటు చేసుకుంటున్నాయి. వరుసగా పలు భాషలకు చెందిన పాపులర్ నటులు మరణిస్తూ ఉండటం గమనార్హం. ఈ మధ్యనే సీనియర్ స్టార్ హీరోయిన్ మీనా భర్త మరణించడం.. ఆ విషాద ఛాయలు ఇంకా తొలగిపోకుండానే మరో యువ నటుడు కన్నుమూయడం అందరికీ షాకిచ్చింది.వివరాల్లోకి వెళితే… అస్సామ్ కు చెందిన యువ నటుడు కిశోర్‌ దాస్‌ 30 ఏళ్లకే క్యాన్సర్‌ మహమ్మారి భారిన పడి కన్నుమూశాడు.

చూడ్డానికి చాలా గ్లామర్ గా కనిపించే కిషోర్ దాస్ ..తన సొంత టాలెంట్ తో మంచి నటుడిగా గుర్తింపు పొందాడు. ‘ఇతనికి మంచి భవిష్యత్తు ఉంది.. హీరో అయ్యే అవకాశాలు కూడా ఉన్నాయి’ అంటూ ఇతని చుట్టుపక్కల ఉన్న వాళ్ళు ఇతన్ని చాలా సార్లు ప్రశంసించే వారు. బహుశా ఇది అతనికి దిష్టిగా మారిపోయి ఇతని ప్రాణాలు తీసేవరకు వెళ్ళింది వ్యవహారం అంటూ స్థానికులు ఎమోషనల్ కామెంట్స్ చేస్తున్నారు. కొన్నాళ్లుగా క్యాన్సర్‌తో తో బాధపడుతూ వస్తున్న కిషోర్ దాస్ పరిస్థితి విషమించడంతో చెన్నైలోని ఓ ఆసుపత్రిలో చేరాడు.

డాక్టర్లు ట్రీట్మెంట్ ఇస్తుండగానే శనివారం నాడు అతను కన్నుమూసినట్టు తెలుస్తుంది. దీంతో సినీ పరిశ్రమ ఒక్కసారిగా షాక్ కు గురయింది. క్యాన్సర్‌ పేషంట్ అయిన కిషోర్ కు కొవిడ్‌-19 కూడా సోకడం వలన ప్రాణాలు కోల్పోయినట్టు వైద్య నిపుణులు చెబుతున్నారు.ఈ మధ్యనే అతను హాస్పిటల్ లో ట్రీట్మెంట్ తీసుకుంటున్న ఫోటోని షేర్ చేసి కోలుకుంటున్నట్లు తన సోషల్ మీడియా ఫాలోవర్స్ కు తెలియజేశాడు.

ఈ పోస్ట్ మరింతగా అతని స్నేహితులను, కుటుంబ సభ్యులను బాధపెడుతోంది. ఇక కిషోర్ దాస్ మృతి పై తోటి నటీనటులు సంతాపం వ్యక్తం చేస్తూ తమ కుటుంబానికి ధైర్యం చెబుతున్నారు.

ఫస్ట్ హాఫ్ లో భారీ నుండి అతి భారీగా ప్లాప్ అయిన 15 సినిమాల లిస్ట్..!

Most Recommended Video

టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!