సంక్రాంతి 2026 పోటీ.. మూడో సినిమా వచ్చింది.. ఇంకా ఎవరొస్తారు?

సంక్రాంతి (Pongal) అనేది టాలీవుడ్‌కి ఎంత పెద్ద పండగో మనందరికీ తెలిసిందే. హిట్‌ సినిమాను బ్లాక్‌బస్టర్‌ చేయాలన్నా, బ్లాక్‌బస్టర్‌ సినిమాను ఆల్‌టైమ్‌ హిట్‌ చేయాలన్నా, కాస్త అటు ఇటుగా ఉన్న సినిమాను హిట్‌ చేయాలన్నా ఈ పండగకే సాధ్యం. ఎందుకంటే ఈ సమయంలో ప్రేక్షకులు థియేటర్లకు రావడానికి అంతగా ఆసక్తి చూపిస్తారు. అలాంటి పండగ సీజన్‌ కోసం ఇప్పటి నుండే టాలీవుడ్‌లో కర్చీఫ్‌లు వేసేస్తున్నారు. ఇప్పటికే ఇద్దరు ‘మేమొస్తున్నాం’ అని చెప్పేయగా.. మరో హీరో తాజాగా అనౌన్స్ చేశాడు.

Pongal

మరో హీరో ఇదే దారిలో ఉన్నారని టాక్‌. చిరంజీవి (Chiranjeevi), అనిల్‌ రావిపూడి (Anil Ravipudi) కాంబినేషన్‌లో రూపొందుతున్న సినిమాను సంక్రాంతికే విడుదల చేస్తామని టీమ్‌ అనౌన్స్‌మెంట్‌ సమయంలోనే ప్రకటించింది. ఆ తర్వాత టీమ్‌ నుండి వచ్చిన ప్రతి ప్రచార చిత్రంలోనూ ‘సంక్రాంతికి రఫ్ఫాడించేద్దాం’ అని అంటూనే ఉన్నారు. అంటే సినిమా మెగా 157 పొంగల్‌ ఫైట్‌కి పక్కా అని చెప్పొచ్చు. విజువల్‌ ఎఫెక్ట్స్‌ గురించి పెద్దగా ఆలోచించే అవసరం లేదు.

ఎందుకంటే ఇది రియల్‌ సినిమా కాబట్టి. ఇక అప్పుడెప్పుడో రెండేళ్ క్రితం అనౌన్స్‌ అయి ఆ తర్వాత వివిధ మార్పులకు లోనైన నవీన్‌ పొలిశెట్టి (Naveen Polishetty) సినిమా ‘అనగనగా ఒక రాజు’ను (Anaganaga Oka Raju) సంక్రాంతికి తీసుకొస్తాం అని టీమ్‌ ఇటీవల ప్రకటించింది. మీనాక్షి చౌదరి (Meenakshi Chaudhary) కథానాయికగా నటిస్తున్న ఈ సినిమాను జనవరి 14న విడుదల చేస్తామని డేట్‌ కూడా చెప్పేశారు. పెద్ద సినిమాల మధ్య ఓ చిన్న సినిమా ఉండటం ప్రతి యేటా సంక్రాంతి సీజన్‌లో జరిగేదే. ఈ సినిమాను ఆ లెక్కలోనే తీసుకోవచ్చు.

ఇక ఏటా సంక్రాంతికి పక్కాగా ఓ సినిమా తీసుకొచ్చే ఆలోచనలో ఉంటారు రవితేజ(Ravi Teja). గతంలో ఈ ప్రయత్నాలు కొన్ని విఫలమై ఆఖరి సమయంలో వెనక్కి జరిగింది కూడా. ఇప్పుడు కిషోర్‌ తిరుమల (Kishore Tirumala) దర్శకత్వంలో కొత్త సినిమా ఇటీవల మొదలైంది. ఈ సినిమాను పొంగల్‌ ఫైట్‌లో బరిలోకి దించనున్నారు. దీంతో సంక్రాంతి టఫ్‌ ఫైట్‌ మొదలైంది. ఇంకా ఎవరెవరు వస్తారో చూడాలి.

‘భైరవం’… ఇక అన్ని విధాలుగా కష్టమే..!