బాలయ్య భగవంత్ కేసరి సినిమాకు సంబంధించిన ఏ చిన్న అప్ డేట్ వచ్చినా ఆ అప్ డేట్ క్షణాల్లో వైరల్ అవుతోంది. బాలయ్య ఫ్యాన్స్ భగవంత్ కేసరి సినిమాతో బాలయ్యకు హ్యాట్రిక్ దక్కడం గ్యారంటీ అని ఈ సినిమాతో బాలయ్య 100 కోట్ల రూపాయల షేర్ కలెక్షన్లను సాధించడం గ్యారంటీ అని ఫీలవుతున్నారు. అయితే ఈ సినిమాలో బాలయ్య మరో గెటప్ లో కనిపిస్తారని అనిల్ రావిపూడి సైతం చెప్పకనే చెప్పేశారు.
అయితే ఆ రోల్ కు సంబంధించిన విషయాలు ఒక్కొక్కటిగా రివీల్ అవుతున్నాయి. బాలయ్య ఈ సినిమాలో కొన్ని నిమిషాల పాటు పోలీస్ ఆఫీసర్ గా కనిపించనున్నారని సమాచారం అందుతోంది. బాలయ్య రెమ్యునరేషన్ భారీ స్థాయిలో ఉండగా భగవంత్ కేసరికి బాలయ్య పరిమితంగా పారితోషికం తీసుకున్నారు. భగవంత్ కేసరిలో మరిన్ని ట్విస్టులు సైతం ఉంటాయని తెలుస్తోంది. ఈ సినిమాలో ఎమోషనల్ సీన్స్ సైతం వేరే లెవెల్ లో ఉంటాయని సమాచారం అందుతోంది.
శ్రీలీల, కాజల్ అగర్వాల్ వరుస ప్రమోషన్స్ లో పాల్గొంటూ ఈ సినిమాపై అంచనాలను అంతకంతకూ పెంచుతున్నారు. బాలయ్య అభిమానులకు విందు భోజనంలా భగవంత్ కేసరి ఉండనుందని తెలుస్తోంది. భగవంత్ కేసరి బుకింగ్స్ మొదలైతే మాత్రం నెక్స్ట్ లెవెల్ లో బుకింగ్స్ జరిగే అవకాశాలు ఉంటాయి. మరికొన్ని గంటల్లో ఈ సినిమాకు సంబంధించి బుకింగ్స్ మొదలుకానున్నాయి. థియేటర్స్ కేటాయింపు వల్ల బుకింగ్స్ ఆలస్యం అవుతున్నట్టు ప్రచారం జరుగుతోంది.
భగవంత్ కేసరి (Bhagavanth Kesari) సినిమాకు మంచి థియేటర్లు కేటాయించారని ఇండస్ట్రీ వర్గాల్లో వినిపిస్తోంది. దసరా పండుగకు బాలయ్య సినిమాకు తిరుగులేదని కామెంట్లు వ్యక్తమవుతున్నాయి. బాలయ్య సినిమా కలెక్షన్లు ఏ రేంజ్ లో ఉండబోతున్నాయో చూడాల్సి ఉంది. అనిల్ రావిపూడి ఈ సినిమా ప్రమోషన్స్ కోసం ఎంత కష్టపడ్డారో ప్రత్యేకంగా చెప్పాల్సిన అవసరం లేదు. ఈ సినిమా నిర్మాణం విషయంలో ఏ మాత్రం రాజీ పడకుండా నిర్మాతలు ఈ సినిమాను నిర్మించారని తెలుస్తోంది.
‘బిగ్ బాస్ 7’ వైల్డ్ కార్డ్ ఎంట్రీ నయనీ పావని గురించి 10 ఆసక్తికర విషయాలు!
‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!
‘బిగ్ బాస్ 7’ వైల్డ్ కార్డ్ ఎంట్రీ అశ్విని శ్రీ గురించి 10 ఆసక్తికర విషయాలు!
