Aamir Khan, Sai Pallavi: సాయి పల్లవి సినిమాలు చూడలేదు.. కానీ: అమీర్ ఖాన్

September 20, 2021 / 04:26 PM ISTByFilmy Focus

Join Us

Aamir Khan, Sai Pallavi: సాయి పల్లవి సినిమాలు చూడలేదు.. కానీ: అమీర్ ఖాన్

ప్రస్తుతం ఇండియా మొత్తంలో ఫ్యాన్ ఫాలోయింగ్ ను పెంచుకుంటున్న మలయాళీ బ్యూటీ సాయి పల్లవి మెల్ల మెల్లగా తన స్థాయిని బాలీవుడ్లో కూడా పెంచుకుంటోంది. కొంత మంది బాలీవుడ్ అగ్ర తారలు ఆమె డాన్స్ చూసి ఫిదా అయ్యారు. ముఖ్యంగా రౌడి బేబీ సాంగ్ ఏ స్థాయిలో క్రేజ్ అందుకుందో ప్రత్యేకంగా చెప్పనవసరం లేదు. అయితే అమీర్ ఖాన్ మాత్రం ఇప్పటి వరకూ ఆమెకు సంబంధించిన సినిమాలను పూర్తిగా చూడలేదట.

నాగచైతన్య నటించిన లవ్ స్టోరీ సినిమా అన్ ప్లగ్డ్ ఈవెంట్ లో మాట్లాడిన అమీర్ ఖాన్ సాయి పల్లవి గురించి ఆసక్తికరమైన కామెంట్స్ చేశారు. సాయి పల్లవి సినిమాలను నేను ఇంతవరకు చూడలేదు. అందుకు నన్ను క్షమించండి. కానీ ఆమెకు సంబంధించిన కొన్ని పాటలు మాత్రం అప్పుడప్పుడు చూశాను. అందులో ఆమె డ్యాన్స్ చేసిన విధానం నాకు ఎంతగానో నచ్చింది. మొదటిసారి ఒక పాట చూడగానే ఆమెకు పెద్ద ఫ్యాన్ అయిపోయా. ఇప్పుడు ఆమెను చూసినందుకు ఎంతో సంతోషిస్తున్నాను.

తప్పకుండా ఈ సినిమా అందరికీ మంచి విజయాన్ని అందించాలని కోరుకుంటున్నాను అని అమీర్ ఖాన్ తెలియజేశారు. నాగ చైతన్య లవ్ స్టొరీ సినిమా వేడుకకు తనను మొదట ఆహ్వానించకముందే నేనే వస్తాను అని అన్నట్లు చాలా ఓపెన్ గా వివరణ ఇచ్చారు. చైతో సినిమా చేసినప్పుడే అతని మంచితనం కూడా నాకు చాలా బాగా అర్థమైంది అని అన్నారు.