అలా అయితే నా వల్ల కాదు: అమృత అయ్యర్

March 24, 2020 / 10:50 PM ISTByFilmy Focus

Join Us

చిత్ర పరిశ్రమలోకి ఎప్పుడూ కొందరు కొత్త హీరోయిన్లు వస్తూ ఉంటారు. వీరిలో అందరూ స్టార్లు కాలేరు. అలాంటి అదృష్టం కొందరికే రాసిపెట్టి ఉంటుంది. అలా టాలీవుడ్‌లో ఇప్పుడిప్పుడే అవకాశాలు అందుకుంటున్న కన్నడ కస్తూరి అమృత అయ్యర్ తన క్యూట్ క్యూట్ లుక్స్‌తో యువతను మత్తెక్కిస్తోంది. ప్రస్తుతం తెలుగులో స్టార్ మేల్ యాంకర్‌గా పాపులారిటీ సంపాదించిన ప్రదీప్ సరసన ‘‘ 30 రోజుల్లో ప్రేమించడం ఎలా’’ అనే సినిమాలో నటిస్తోంది.

ఆ వెంటనే ఎనర్జిటిక్ స్టార్ రామ్ సరసన రెడ్ మూవీలో అవకాశాన్ని చేజిక్కించుకుంది. ఇటీవల ఓ ఇంటర్వ్యూలో అమృత తన సినీరంగ ప్రవేశంతో పాటు అనేక ఆసక్తికర విషయాలు చెప్పుకొచ్చింది. తాను చాలా సాంప్రదాయ కుటుంబం నుంచి వచ్చానని.. తమ ఫ్యామిలీ నుంచి సినిమాల్లోకి ఎంట్రీ ఇచ్చిన మొదటి వ్యక్తిని తానేనని అమృత తెలిపింది. సరదాగా మోడలింగ్‌ను ప్రారంభించానని, ఆ సమయంలో ఓ మలయాళీ చిత్రంలో నటించే ఛాన్స్ వచ్చిందని చెప్పింది.

Actress Amritha Aiyer about her movie offers1

ఒకటి రెండు సినిమాలు చేసి మానేద్దామని, అప్పుడే బిగిల్‌లో నటించే అవకాశం దక్కిందని.. ఆ సినిమా సూపర్‌హిట్ కావడంతో అవకాశాలు వెతుక్కుంటూ వస్తున్నాయని అమృత చెప్పింది. తనకు మంచి అవకాశాలు రావడంతో కుటుంబసభ్యులు సైతం తనకు అండగా నిలిచి ప్రోత్సహిస్తున్నారని ఆమె తెలిపారు. ఇక ఎక్స్‌పోజింగ్‌పై మాట్లాడుతూ… సినీ ఇండస్ట్రీ అంటేనే గ్లామరస్ ఫీల్డ్ అనే సంగతి తనకు తెలుసుని చెప్పింది. అందంగా కనిపించడం వరకు తనకు అభ్యంతరం లేదని, కానీ మితిమీరిన అందాల ప్రదర్శన అంటే తన వల్ల కాదని, తనకు కొన్ని హద్దులు ఉన్నాయని.. వాటిని ఎప్పుడూ అతిక్రమించనని అమృత తన అభిప్రాయాలు చెప్పుకొచ్చింది.