‘నో’ చెప్పినవాడితో ‘ఎస్’ చెప్పించుకోవడంలో ఉండే కిక్ మామూలుగా ఉండదు అంటుంటారు. నిజ జీవితంలో ఇలాంటి సందర్భం ఎప్పుడో ఒకసారి మీరూ ఫేస్ చేసే ఉంటారు. అన్ని రంగాల్లోనూ ఈ లాజిక్ బాగా ఉంటుంది. ఫలానా పని చేస్తుంటే… స్థాయి అనే మాట వాడి ఇబ్బంది పెట్టేవాడికి సరైన సమాధానం… మనం ఆ స్థాయికి చేరి చూపిచండమే అంటుంటారు పెద్దలు. అలాంటి పనే చేసింది ప్రముఖ నటి హేమ. చిన్న చిన్న పాత్రలు చేసుకుంటూ కెరీర్ ప్రారంభించిన హేమ… ఆ తర్వాత బిజియెస్ట్ క్యారెక్టర్ ఆర్టిస్ట్గా మారింది.
ఈ క్రమంలో ఆమె తన జీవితంలో ఎన్ని ఇబ్బందులు పడి ఉండొచ్చు చెప్పండి. ఈ విషయంలో ‘అవునా?’ అనే ప్రశ్నకే తావు లేదు. కారణం సినిమా ఇండస్ట్రీలో చిన్న చిన్న పాత్రలు చేసేవారి విషయంలో కొంతమందికి చిన్న మనస్తత్వం ఉండటమే. ఆ మాటకొస్తే ప్రతి ఇండస్ట్రీలోనూ ఉంటుంది. అలా హేమ నటిగా మారిన తొలినాళ్లలో ఇలాంటి అవమానాలు చాలానే ఎదుర్కొన్నారట. ఈ మధ్య వాటి గురించి మాట్లాడారు. తన తొలినాళ్లలో జరిగిన విషయాలు, అవి తన కెరీర్ను ముందుకు తీసుకెళ్లిన విషయం గురించి చెప్పుకొచ్చారు హేమ.
‘భారతనారి’ అనే సినిమాలో హేమ ఓ చిన్న పాత్ర పోషించారు. ఈ సినిమా షూటింగ్ సందర్భంగా ఆమెను ఇబ్బంది పెట్టే ఘటన జరిగిందట. లంచ్ టైమ్లో డైరక్టర్, యాక్టర్స్ అందరూ కలసి కూర్చొని తింటున్నారట. హేమ కూడా వారితోపాటే కూర్చుని తింటున్నారట. ఇంతలో ఓ ప్రొడక్షన్ బాయ్ వచ్చి… ‘ఇక్కడ కూర్చున్నావేంటి… అక్కడికి వెళ్లి తిను’ అని గట్టిగా అన్నాడట. ఆ మాటకు హేమకు చాలా కోపం వచ్చిందట. తింటున్న టేబుల్ ఎత్తి పడేద్దాం అనుకుందట.
కానీ అలా చేయకుండా… అందరితో కలసి తినే రోజు రావాలని చాలా కష్టపడి మంచి మంచి పాత్రలు చేసి వచ్చిందట. ఆ రోజు ప్రొడక్షన్ బాయ్ చేసిన పని తనలో కసిని రగల్చిందని చెబుతున్నారు హేమ. ఆ తర్వాత కొన్ని రోజులకు పెద్ద నటి అయ్యాక అదే ప్రొడక్షన్ బాయ్ వచ్చి… ఎంతో మర్యాదగా తనకు వడ్డించాడని చెప్పుకొచ్చారు హేమ. ఇప్పుడు అర్థమైందిగా కాదన్నచోట తనేంటో నిరూపించుకుంటే అంతకుమించిన విజయం మరొకటి లేదు.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
