Indian 2: ‘ఇండియన్‌ 2’లో ‘ఇండియన్‌’ బ్యూటీ.. ఈసారి ఎలా చూపిస్తారో?

‘ఇండియన్‌ 2’ (Indian 2) సినిమా సీజన్‌ ఇప్పుడు నడుస్తోంది. సినిమాను వచ్చే నెల 12న తీసుకొస్తున్న నేపథ్యంలో సినిమాకు సంబంధించి వరుసగా పుకార్లు షికార్లు చేస్తున్నాయి. అందులో చాలా వార్తలు నిజాలు అవుతున్నాయి. ఇప్పుడు మరో వార్త వైరల్‌ అవుతోంది. అందులో నిజం చాలా ఉంది అని చెబుతున్నారు. అదే ఈ సినిమాలో ‘ఇండియన్‌’ సినిమా హీరోయిన్‌ కూడా ఉంది అని చెబుతున్నారు. అయితే ఇప్పుడు ఎలా చూపిస్తారు అనేది ఆసక్తికరంగా మారింది.

కమల్ హాసన్ (Kamal Haasan) – శంకర్‌ (Shankar) కాంబినేషన్‌లో రూపొందిన సినిమా ‘ఇండియన్‌ 2’ / ‘భారతీయుడు 2’. తొలి సినిమా వచ్చిన సుమారు 28 ఏళ్లకు ఇప్పుడు సీక్వెల్‌ రిలీజ్‌ తీసుకొస్తున్నారు. ఈ క్రమంలో కథేంటి, ఎవరు నటించారు అనే విషయాలు టీమ్‌ అనౌన్స్‌ చేసేసింది. అయితే కొన్ని అతిథి పాత్రలు ఉన్నాయి అని కూడా అంటున్నారు. అందులో ఒక పాత్ర మనీషా కొయిరాలా (Manisha Koirala) అని చెబుతున్నారు. ‘ఇండియన్‌ 1’లో చిన్న కమల్‌ హాసన్‌ ప్రేయసిగా ఆమె నటించిన విషయం తెలిసిందే.

‘ఇండియన్‌ 1’ సినిమాలో నేపాలీ భామ మనీషా కొయిరాలా హీరోయిన్‌గా నటించి మెప్పించింది. ఇప్పుడు ‘ఇండియన్ 2’ సినిమాలోనూ ఆమె పాత్రను కంటిన్యూ చేస్తున్నారట. ఈ సినిమాలో సేనాపతిగా మరోసారి కమల్ తన నట విశ్వరూపాన్ని ప్రదర్శించేందుకు సిద్ధమయ్యారు. అయితే మరి చిన్న కమల్‌ హాసన్‌ ఈ సినిమాలో ఉండరు. దీంతో మనీషా పాత్ర ఎలా చూపిస్తారు అనేది ఆసక్తికరంగా మారింది.

‘ఇండియన్‌ 2’ సినిమాలో సిద్ధార్థ్ (Siddharth) , కాజల్ అగర్వాల్ (Kajal Aggarwal) , రకుల్ ప్రీత్ సింగ్ (Rakul Preet Singh) , ఎస్.జె.సూర్య (S. J. Suryah) , బాబీ సింహా (Bobby Simha) , ప్రియా భవానీ శంకర్ (Priya Bhavani Shankar) , బ్రహ్మానందం (Brahmanandam) తదితరులు ఇతర ముఖ్య పాత్రల్లో నటిస్తున్నారు. ఈ సినిమాతో పాటు టీమ్‌ మూడో ‘భారతీయుడు’ను కూడా సిద్ధం చేసింది. ఈ సినిమాను ఎప్పుడు రిలీజ్‌ చేస్తారు అనే విషయం చెప్పలేదు కానీ.. రెండో పార్టు ఫలితం బట్టి రిలీజ్‌ డేట్‌ ఉంటుంది అని అంటున్నారు.