Om Raut: ఆది పురుష్ విడుదల తర్వాత మొదటిసారి స్పందించిన డైరెక్టర్!

పాన్ ఇండియా స్టార్ హీరో ప్రభాస్ ఆది పురుష్ సినిమా ద్వారా ప్రేక్షకుల ముందుకు వచ్చారు. రామాయణం ఇతిహాసం నేపథ్యంలో ప్రేక్షకుల ముందుకు వచ్చిన ఈ సినిమా జూన్  16వ తేదీ దాదాపు 7 వేల థియేటర్లలో ప్రపంచవ్యాప్తంగా ఎంతో ఘనంగా విడుదలైంది అయితే ఈ సినిమా విడుదలైన తర్వాత కొందరు సినిమాపై పాజిటివ్ గా స్పందించగా మరికొందరు విమర్శలు కురిపిస్తున్నారు. ఇలా ఈ సినిమా ప్రస్తుతం మిశ్రమ స్పందన దక్కించుకుంది.

ఈ సినిమా విడుదలైన తర్వాత ఎంతోమంది డైరెక్టర్ ఓం రౌత్ పై తీవ్రస్థాయిలో విమర్శలు కురిపిస్తున్నారు. రామాయణం సినిమా చేయాలి అంటే అందరికీ సాధ్యపడదని ఇదివరకు పలువురు డైరెక్టర్లు చేసిన సినిమాలను చూసి ఈయన నేర్చుకోవాలి అంటూ ఈయనపై విమర్శలు చేస్తున్నారు. అయితే ఈ విషయాల గురించి డైరెక్టర్ ఏమాత్రం పట్టించుకోవడంలేదని తెలుస్తుంది. ఈ సినిమా విడుదలైన తరువాత మొదటిసారి డైరెక్టర్ ఈ సినిమా గురించి స్పందిస్తూ సోషల్ మీడియా వేదికగా చేసిన ట్వీట్ ప్రస్తుతం వైరల్ అవుతుంది.

ఈ క్రమంలోనే డైరెక్టర్ (Om Raut) ట్విట్టర్ వేదికగా స్పందిస్తూ..ప్రతి ఒక్క థియేటర్లోనూ హనుమంతుడి కోసం ప్రత్యేకంగా ఒక సీటు కేటాయించమని సూచించిన సంగతి మనకు తెలిసిందే. ఈ క్రమంలోనే హనుమంతుడికి కేటాయించిన సీట్లకు సంబంధించిన ఫోటోలను ఈయన కోలేజ్ రూపంలో షేర్ చేస్తూ .. దేశంలోని అన్ని థియేటర్లో ఆధ్యాత్మిక భావనతో నిండిపోయాయని రాసుకొచ్చారు.

ఇలా ఈ ట్విట్ కి జైశ్రీరామ్ అని క్యాప్షన్ ఇస్తూ ఈయన చేసిన ట్వీట్ ప్రస్తుతం వైరల్ అవుతుంది. ఈ ట్వీట్ పై నేటిజన్స్ స్పందిస్తూ ఓం ఎక్కడున్నావ్ అంటూ ఈయనపై తమదైన శైలిలో విమర్శలు కురిపిస్తున్నారు. ఈ సినిమా మొదటి రోజే 100 కోట్లకు పైగా కలెక్షన్లు రాబట్టిందని తెలుస్తోంది. ఇక ఈ చిత్రాన్ని టి సిరీస్ బ్యానర్ పై ఏకంగా 550 కోట్ల బడ్జెట్ తో నిర్మించిన విషయం తెలిసిందే.

ఆదిపురుష్ సినిమా రివ్యూ & రేటింగ్!

‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్