గత 5 ఏళ్ళ నుండి అడివి శేష్ నటించిన సినిమాలు అన్నీ సూపర్ హిట్లే. ‘హిట్‌’, ‘మేజర్’ వంటి సినిమాలతో పాన్ ఇండియా ఇమేజ్ ను కూడా సొంతం చేసుకున్నాడు అడవిశేష్. ప్రస్తుతం ‘గూఢచారి 2 ‘ ప్రాజెక్టు కోసం సిద్ధమవుతున్నాడు. ప్రస్తుతం ప్రీ ప్రొడక్షన్ దశలో ఉన్న ఈ సినిమా పాన్ ఇండియా స్థాయిలో రూపొందనుంది. దీంతో పాటు శేష్ మరో ప్రాజెక్టుకి కూడా కమిట్ అయ్యాడు.
‘అన్నపూర్ణ స్టూడియోస్’ సంస్థ‌లో అడివి శేష్ ఓ భారీ బడ్జెట్ సినిమా చేయడానికి రెడీ అవుతున్నాడు. ఇది కూడా పాన్ ఇండియా మూవీగా రూపొందే అవకాశాలు ఉన్నాయి. ‘డెకాయిట్‌’ అనే టైటిల్ తో ఈ సినిమా రూపొందనుంది అని సమాచారం. శ‌శికిర‌ణ్ తిక్కా కథని డెవలప్ చేస్తున్నారు. ఆయనే ఈ చిత్రానికి ద‌ర్శ‌క‌త్వం వ‌హించే అవకాశం ఉంది. ఒకవేళ అతను ఈ ప్రాజెక్టు చేయలేకపోతే అడివి శేష్ డైరెక్ట్ చేసే అవకాశాలు ఉన్నాయి. సుప్రియా యార్లగడ్డ ఈ చిత్రానికి నిర్మాతగా వ్యవహరించనున్నారు.
స్క్రీన్ ప్లే, మాట‌లు .. అడవిశేష్ (Adivi Sesh) రెడీ చేసుకుంటున్నాడు. కాబట్టి డైరెక్షన్ కూడా అతనే చేసే అవకాశాలు ఎక్కువగా ఉన్నట్టు తెలుస్తుంది. గతంలో కూడా శేష్ డైరెక్షన్ చేసిన సందర్భాలు ఉన్నాయి. ‘కర్మ’ ‘కిస్’ వంటి చిత్రాలకి అతనే డైరెక్షన్ చేశాడు. ఆ సినిమాలు డిజాస్టర్లుగా మిగిలాయి. అయినా సరే తన సినిమాలకి రైటర్ గా కొనసాగుతూనే వచ్చాడు శేష్. ఇప్పుడు డైరెక్షన్ పై కూడా పట్టు వచ్చి ఉండొచ్చు. 10 ఏళ్ళ తర్వాత మెగా ఫోన్ పట్టుకుంటున్న ఇతను ఎలాంటి ఫలితాన్ని అందుకుంటాడో చూడాలి.
హాస్టల్ డేస్ వెబ్ సిరీస్ రివ్యూ & రేటింగ్!
మహావీరుడు సినిమా రివ్యూ & రేటింగ్!
Home