రాజమౌళికి ‘మహాభారతం’ సినిమా ఎలాగో, పూరి జగన్నాథ్‌కి ‘జనగణమణ’ సినిమా అలాగా. ఆ సినిమా గురించి పూరి ఎంత ఇష్టంతో ఉన్నాడో చెప్పడానికి ఈ ఒక్క వాక్యం చాలు అనుకుంటా. ఇప్పుడు కాదు ఎప్పుడో ‘జనగణమణ’ మాట చెప్పారు పూరి జగన్నాథ్‌. ఎలాగైనా ఈ సినిమా చేయాలని కంకణం కట్టుకున్నాడాయన. అయితే ఆ సినిమాకు పరిస్థితులు అనుకూలించడం లేదు. ఎప్పుడూ ఏదో ఒక సమస్య వస్తూ ఉంది. గతంలో మూడు సార్లు ఈ సినిమా గురించి అనుకొని ఆగిపోయారు పూరి.
ఇప్పుడు మరోసారి అదే చర్చ నడుస్తోంది. ఇప్పుడు చర్చ ఎందుకు నడుస్తుందో ముందు చూద్దాం. ఆ తర్వాత పాత సంగతి చూద్దాం. ప్రస్తుతం పూరి జగన్నాథ్‌ ‘లైగర్‌’ పనుల్లో బిజీగా ఉన్నాడు. విజయ్ దేవరకొండ హీరోగా ఈ సినిమా తెరకెక్కుతోంది. పూరి కెరీర్‌లో ఎప్పుడూ లేని విధంగా ఈ సినిమా కోసం సంవత్సరాలు తరబడి పని చేస్తున్నారు. దీనికి కరోనాను కారణం చూపించి తప్పించుకోలేరు. ఎందుకోగానీ సినిమా ఆలస్యమవుతోంది. దీని సంగతి పక్కనపెడితే…
ఈ సినిమా తర్వాత పూరి – రౌడీ కాంబోలో మరో సినిమా ఉంటుంది అనేది తాజా పుకారు. అవును ‘లైగర్‌’ తర్వాత విజయ్ కోసం పూరి ఓ కథ సిద్ధం చేశారని వార్తలొస్తున్నాయి. అయితే ఆ కథేంటి అనేది తెలియదు. కానీ ‘జనగణమన’ కథనే విజయ్ దేవరకొండతో తీద్దామని పూరి అనుకుంటున్నారట. దాని కోసం చర్చలు కూడా నడిచాయట. ‘లైగర్‌’ విజయం సాధిస్తే ఆ తర్వాత ‘జనగణమన’ స్టార్ట్‌ చేద్దామని చూస్తున్నారట. దీంతో ‘లైగర్‌’ ఫలితం రెండు సినిమాల మీద ప్రభావం చూపిస్తుంది.
ఇక ముందు చెప్పినట్లు గతంలో వచ్చిన చర్చలు చూస్తే…. నితిన్‌ ‘హార్ట్‌ ఎటాక్‌’ ముందు ఒకసారి ‘జనగణమన’ పేరు వినిపించింది. అయితే అప్పుడు ఆ సినిమా వర్కౌట్‌ అవ్వలేదు. ఇది మొదలుకాలేదు. ఆ తరవ్ఆత మహేష్‌బాబు ‘బిజినెస్‌ మ్యాన్‌’ సమయంలోనూ సేమ్‌ చర్చ. సేమ్‌ రియాక్షన్‌. సినిమా హాల్ట్‌. ఆ తర్వాత కొన్ని రోజులకు బాలకృష్ణతో చేసిన ‘పైసా వసూల్‌’ విడుదలైంది. అప్పుడు కూడా ‘జనగణమన’ పేరు వినిపించింది. కానీ మెటీరియలైజ్‌ కాలేదు. ఈ మూడు సినిమాల ముందు కూడా కొంతమంది హీరోలతో పూరి ‘జనగణమన’ గురించి చర్చించాడు. కానీ అవేవీ వర్కౌట్‌ కాలేదు. ఇప్పుడు మరి విజయ్ దేవరకొండతో అనుకుంటున్నాడు. ఏమవుతుందో చూడాలి.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
Home