‘వాల్తేరు వీరయ్య’ తర్వాత మెగాస్టార్ చిరంజీవి నుండి రాబోతున్న చిత్రం ‘భోళా శంకర్’. మెహర్ రమేష్ దర్శకత్వం వహిస్తున్న ఈ చిత్రానికి అనిల్ సుంకర నిర్మాత. క్రియేటివ్ కమర్షియల్స్ బ్యానర్ పై కే.ఎస్.రామారావు సమర్పకులుగా వ్యవహరిస్తున్నారు.నిజానికి సమ్మర్ కానుకగా రిలీజ్ కావాల్సిన ఈ చిత్రం ఆగస్టు నెలకు పోస్ట్ పోన్ అయినట్టు వినికిడి. ఇదిలా ఉండగా.. ఈ మధ్యకాలంలో ఈ చిత్రానికి సంబంధించి ఏదో ఒక వార్త వినిపిస్తూనే ఉంది.
ఈ చిత్రంలో చిరు.. పవన్ కళ్యాణ్ అభిమానిగా కనిపిస్తారని,శ్రీముఖితో ‘ఖుషి’ స్టైల్లో నడుము సీన్ ఉంటుందని ప్రచారం జరిగింది.మరోపక్క ఈ సినిమాలో హీరోయిన్ గా చేస్తున్న తమన్నా తప్పుకున్నట్టు కూడా టాక్ నడిచింది. దాని పై ఎలాంటి క్లారిటీ లేదు. ‘భోళా శంకర్’ గురించి ఇప్పుడు మరో వార్త చక్కర్లు కొడుతోంది. అదేంటి అంటే ఈ సినిమా ‘వేదాలం’ కి రీమేక్ గా తెరకెక్కుతున్న సంగతి తెలిసిందే. ఇందులో చెల్లెలి పాత్ర చాలా కీలకం.
తెలుగులో ఈ పాత్రను కీర్తి సురేష్ ప్లే చేస్తుంది. ఆమెకు కాబోయే భర్త పాత్ర కూడా ఒరిజినల్ లో ఉంటుంది. కానీ ఈ పాత్రకు సినిమాలో పెద్ద ప్రాముఖ్యత ఉండదు. తెలుగులో మాత్రం ఈ పాత్ర నిడివి కొంచెం పెంచుతున్నారని చిత్ర బృందం ఎప్పుడో తెలిపింది. కానీ ఆ హీరో ఎవరు అనే విషయం పై మాత్రం క్లారిటీ ఇవ్వలేదు. అందుతున్న సమాచారం ప్రకారం.. ఈ మూవీలో ఓ అక్కినేని ఫ్యామిలీకి చెందిన హీరో నటించబోతున్నాడట.
అతను మరెవరో కాదు సుశాంత్. మార్చి 18న సుశాంత్ పుట్టినరోజు కావడంతో ఈ విషయాన్ని అధికారికంగా రివీల్ చేయడానికి చిత్ర బృందం రెడీ అవుతుంది. గతంలో అల్లు అర్జున్ నటించిన ‘అల వైకుంఠపురములో’ చిత్రంలో కూడా సుశాంత్ కీలక పాత్ర పోషించాడు. ఆ మూవీ పెద్ద బ్లాక్ బస్టర్ అయ్యింది. మరోపక్క రవితేజ హీరోగా తెరకెక్కిన ‘రావణాసుర’ లో కూడా సుశాంత్ నెగిటివ్ రోల్ ప్లే చేశాడు. ఇప్పుడు చిరు మూవీలో కూడా నటిస్తున్నాడు అని స్పష్టమవుతుంది.
రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!
2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్
