హీరోగా, విలన్ గా, యాంకర్ గా ఎన్నో పాత్రలు పోషించిన రానా ఫ్యాన్స్ కు అదిరిపోయే శుభవార్త చెప్పారు. త్వరలో బాబాయ్ వెంకటేష్, తమ్ముడు అభిరామ్ తో కలిసి మల్టీస్టారర్ సినిమా చేస్తానని రానా వెల్లడించారు. సినిమాల విషయంలో అభిరామ్ కు తాను సలహాలు ఇవ్వనని రానా చెప్పుకొచ్చారు. తమ్ముడు సినిమాల్లో సక్సెస్ కావాలని కోరుకుంటున్నానని రానా అన్నారు. మనం లాంటి సినిమా కాకపోయినా మరో మల్టీస్టారర్ సినిమా అయితే చేస్తానని రానా తెలిపారు.
నారప్ప సినిమా ఓటీటీలో రిలీజ్ కావడం తనకు బాధగానే ఉందని రానా పేర్కొన్నారు. అయితే దగ్గుబాటి ఫ్యామిలీ మల్టీస్టారర్ సినిమాకు దర్శకుడు ఎవరనే సంగతి తెలియాల్సి ఉంది. పెళ్లి తర్వాత లైఫ్ మారిపోయిందని వ్యక్తిగత జీవితం గురించి రానా స్పందించారు. ఆర్ఆర్ఆర్ మూవీ గురించి మాట్లాడుతూ చరణ్ టీజర్ తనకు ఎంతగానో నచ్చిందని రానా పేర్కొన్నారు. యాంకర్ డిప్లొమాటిక్ ఆన్సర్ చెప్పవద్దని కోరడంతో ఎన్టీఆర్ పేరు చెప్పకుండా చరణ్ అంటే తనకు ఇష్టం ఎక్కువ కాబట్టి చరణ్ టీజర్ ఎక్కువగా నచ్చుతుందని రానా పేర్కొన్నారు.
తారక్ చరణ్ లతో ఆర్ఆర్ఆర్ మూవీలో బెస్ట్ కాంబినేషన్ ను చూడబోతున్నామని రానా అన్నారు. రాజమౌళికి ఏ ఆలోచన అయితే మదిలో ఉంటుందో అదే తెరపై కనిపిస్తుందని రానా పేర్కొన్నారు. మరోవైపు రానా నటించిన విరాటపర్వం సినిమాకు సంబంధించి నాలుగు రోజుల షూటింగ్ బ్యాలెన్స్ ఉంది. త్వరలో ఈ సినిమా థియేటర్లలో రిలీజ్ కానుందని తెలుస్తోంది. అరణ్య సినిమా ఫ్లాప్ కావడంతో ఈ సినిమాతో సక్సెస్ సాధించాలని రానా భావిస్తున్నారు.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
