మళ్లీ వార్తల్లోకి అల్లరి నరేశ్‌ సినిమా.. డిఫరెంట్‌ టైటిల్‌ పెట్టారంటూ..!

కొంతమంది నవ్విస్తే బాగుంటుంది, కొంతమంది సీరియస్‌గా ఉంటే బాగుంటుంది. అయితే ఎప్పుడో ఓసారి రోల్‌ రివల్స్‌లా వీళ్ల సినిమాలు వాళ్లు చేయాలి. అలా కాకుండా ఒక్కసారిగా జోనర్‌ మార్చేస్తే, అదే కంటిన్యూ చేస్తే ఇబ్బందికర ఫలితం అందుకుంటారు. అలా రీసెంట్‌గా ఇబ్బంది పడుతున్న హీరో అల్లరి నరేశ్‌(Allari Naresh). రీసెంట్‌గా ‘నాంది’ సినిమాతో సీరియస్ టర్నింగ్ తీసుకుని విజయం అందుకున్న అల్లరి నరేష్.. ఆ తర్వాత అది కంటిన్యూ చేసే క్రమంలో ఇబ్బందిపడ్డారు.

Allari Naresh

ఇప్పుడు తిరిగి అల్లరి ట్రాక్‌ ఎక్కేశాడు. అంతేకాదు టైటిల్‌ కూడా అలానే పెడుతున్నాడు అని టాక్‌.  ‘ఇట్లు మారేడుమిల్లి ప్రజానీకం’(Itlu Maredumilli Prajaneekam) , ‘ఉగ్రం’ (Ugram), ‘బచ్చల మల్లి’ (Bachhala Malli) అంటూ సీరియస్‌ డ్రామా చేసిన నరేశ్‌.. ఇప్పుడు తిరిగి అల్లరోడు అయిపోయాడు. తన కొత్త సినిమాకు మంచి క్రేజీ టైటిల్‌ రెడీ చేసుకున్నాడట. ‘హోల్డ్‌ హోల్డ్‌.. కొత్త సినిమా ఎప్పుడు స్టార్ట్‌ అయింది?’ అని అందాం అనుకుంటున్నారా? అయింది లెండి. ఆయన సీరియస్‌గా సినిమాల చేస్తున్న గతేడాదే స్టార్ట్‌ చేశాడు.

సితార ఎంటర్‌టైన్మెంట్స్‌ బ్యానర్‌పై ఓ సినిమా స్టార్ట్‌ చేశారు. మెహర్ తేజ్ (Meher Tej) అనే కొత్త కుర్రాడు దర్శకుడు. ఇప్పుడు ఆ సినిమాకు ఓ టైటిల్‌ ఫిక్స్‌ అయింది. అదే ‘ఆల్కహాల్ అల్లరోడు’ అనే టైటిల్ ఫిక్స్ చేశారట. అయితే ఈ సినిమాలో హీరో డ్రింకర్‌ కాదట. కానీ ఎందుకలా పెట్టారు అంటే సినిమా బ్యాక్‌డ్రాప్‌ అలా ఉంటుంది అని చెబుతున్నారు.

మెహర్‌ తేజ్‌ కూడా మనకు పరిచయం ఉన్న దర్శకుడు. ఆ మధ్య సుహాస్‌తో (Suhas)  ‘ఫ్యామిలీ డ్రామా’ (Family Drama) అనే సినిమా చేశాడు. ఇక ఈ సినిమా సంగతి చూస్తే షూటింగ్ సగానికి పైగా అయిపోయిందట. రుహాని శర్మ (Ruhani Sharma)  హీరోయిన్‌గా నటిస్తున్న ఈ సినిమాను ఈ ఏడాదే రిలీజ్‌ చేద్దాం అనుకుంటున్నారట. మరి డేట్స్‌ ఎప్పుడున్నాయ్‌, నాగవంశీ(Suryadevara Naga Vamsi) ఈ సినిమాను ఎలా మార్కెటింగ్‌ చేస్తారు అనేది ఆసక్తికరమ.

దీపికా పడుకొణెను సపోర్టు చేసిన తమన్నా.. కానీ ఆమె వెర్షన్‌ వేరు!