మంచి సినిమా ఎక్కడున్నా అక్కడ అల్లు అరవింద్ ఉంటారు అని చెప్పొచ్చు. తన సినిమా కాకపోయినా, తన వాళ్ల సినిమా కాకపోయినా ఆయన ముందుకొచ్చి సినిమా విజయాన్ని పురస్కరించుకుని ఎంకరేజ్‌ చేస్తారు. అలాంటిది తనకు బాగా దగ్గర వ్యక్తుల సినిమా అయితే ఇంకెంత మెచ్చుకుంటారో చెప్పండి. అలా ఇప్పుడు ఆయనకు ఆనందాన్నిచ్చిన సినిమా ‘బేబీ’. ఆనంద్ దేవరకొండ, వైష్ణవి చైతన్య, విరాజ్‌ అశ్విన్‌ ప్రధాన పాత్రల్లో రూపొందిన ఈ సినిమా ఇటీవల వచ్చి మంచి విజయాన్ని అందుకుంది.
ఈ నేపథ్యంలో ఏర్పాటు చేసిన సక్సెస్‌ మీట్‌లో ప్రముఖ నిర్మాత అల్లు అరవింద్ పాల్గొన్నారు. ఈ క్రమంలో సినిమా గురించి కొన్ని ఆసక్తికర వివరాలు చెప్పుకొచ్చారు. ఈ సినిమా గీతా ఆర్ట్స్‌ చిత్రమనే విషయం తెలిసిందే. అయితే ఎక్కడా అందులో ఆ బ్యానర్లు పేరు కానీ, అల్లు అరవింద్ పేరు కానీ కనిపించదు. దీని వెనుక ఉన్న కారణాన్ని అల్లు అరవింద్ వివరించారు. ఈ సినిమా చూశాక ఆయన కోడలు వచ్చి ‘మావయ్య ఇది గీతా ఆర్ట్స్‌ సినిమా అన్నారు కదా. మీ పేరు లేదేంటి’ అని అడిగారట. దానికి ఆయన చెప్పిన సమాధానమే చిన్న నిర్మాతల విషయంలో ఆయన ఆదరణ తెలియజేస్తుంది.
ఇంతకీ ఏమైందంటే… ‘బేబీ’ సినిమా నిర్మాత ఎస్‌.కె.ఎన్‌. వచ్చి ఈ కథ గురించి అల్లు అరవింద్‌కి చెప్పారట. కథ చాలా బాగుంది సినిమా తీయమంటే డబ్బుల్లేవు అన్నారట. దాంతో నేను ఇస్తా సినిమా తీయ్‌ అని అల్లు అరవింద్ చెప్పారట. అలా ‘బేబీ’ సినిమా గీతా ఆర్ట్స్‌ సినిమా అయిపోయింది అని కోడలకు అల్లు అరవింద్ (Allu Aravind) చెప్పారట. ఆ లెక్కన ప్రేక్షకులకు కూడా ఈ విషయాన్ని అల్లు అరవింద్ చెప్పేశారు.
ఇక ఈ సినిమా సంగతి చూస్తే.. మొదటి ప్రేమ ఎప్పుడు మనసు పొరల్లో అలానే ఉండిపోతుంది అని కాన్సెప్ట్‌తో తెరకెక్కించారు. ప్రేమించి మోసం చేసే అమ్మాయిగా వైష్ణవి చైతన్య ఈ సినిమాలో అదరగొట్టేసింది అని ప్రేక్షకుల టాక్‌. ఆనంద్ దేవరకొండ పాత్రకు కూడా మంచి రెస్పాన్స్‌ వస్తోంది.
పాత్ర కోసం ఇష్టాలను పక్కన పడేసిన నటులు వీళ్లేనా..!
సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
ఈ వారం థియేటర్/ ఓటీటీల్లో సందడి చేయబోతున్న 19 సినిమాలు/ సిరీస్ లు
