Allu Arjun: బన్నీ ‘లేడీ’ లుక్‌ షాక్‌ గుర్తుందా? మళ్లీ అలాంటిదే ప్లాన్‌ చేస్తున్నారట!

అల్లు అర్జున్‌ (Allu Arjun)  ఫ్యాన్స్‌కి మరో షాక్‌ తగలబోతోందా? అంటే అవును అనే సమాధానం వస్తోంది ‘పుష్ప: ది రూల్‌’ (Pushpa 2)   టీమ్‌ నుండి. అయితే అది ఆ మధ్య తగిలిన స్వీట్‌ షాకే. అంటే… అతని పుట్టిన రోజు మరో వారంలో రాబోతోంది కదా. ఈ సారి తన ఫ్యాన్స్‌కి మరో షాకింగ్‌ పోస్టర్‌ను ఇవ్వాలని బన్నీ అనుకుంటున్నాడట. ఈ మేరకు సినిమా టీమ్‌ ప్లాన్‌ చేస్తోందట. అయితే అది పోస్టర్‌ వరకేనా? లేక ఏమైనా గ్లింప్స్‌ రిలీజ్‌ చేస్తారా అనేది చూడాలి.

‘పుష్ప: ది రైజ్‌’ (Pushpa) సినిమాకు సీక్వెల్‌గా ‘పుష్ప: ది రూల్’ తెరకెక్కుతున్న విషయం తెలిసిందే. ఈ సినిమాను ఆగస్టు 15న విడుదల చేస్తామని టీమ్‌ ఇప్పటికే ప్రకటించింది. అయితే ఆ రోజుకు రావడం కష్టం అంటూ ఓ వార్త సోషల్‌ మీడియాలో, సినిమా రంగంలో చక్కర్లు కొడుతోంది. ఈ విషయంలో క్లారిటీ కావాలి అని ఓవైపు అభిమానులు అడుగుతుంటే… సినిమా రిలీజ్‌ డేట్ దగ్గరకు వస్తోంది ఏదైనా అప్‌డేట్‌ ఇవ్వమని మరికొందరు అడుగుతున్నారు.

ఈ నేపథ్యంలో ఏప్రిల్‌ 8 మీద అందరి దృష్టిపడింది. ఆ రోజున బన్నీ పుట్టిన రోజు కాబట్టి… కచ్చితంగా రెండో ‘పుష్ప’ నుండి అప్‌డేట్‌ వస్తుందని అంచనా వేస్తున్నారు. అయితే ఈసారి వచ్చే అప్‌డేట్‌ మొన్నామధ్య వచ్చిన బన్నీ గంగమ్మ జాతర గెటప్‌నకు మించి ఉంటుంది అని కూడా చెబుతున్నారు. ఆ మధ్య జపాన్‌లో టీమ్‌ షూటింగ్‌ చేస్తున్నట్లు వార్తలొచ్చాయి. ఆ లుక్‌ ఏమన్నా రిలీజ్‌ చేస్తారేమో అని అభిమానులు అంచనా వేస్తున్నారు.

అలాగే బన్నీ నెక్స్ట్‌సినిమా ఏంటి అనే విషయంలోనూ అదే క్లారిటీ వస్తుంది. త్రివిక్రమ్‌తో (Trivikram) సినిమా ఉంటుందని ఇప్పటికే బన్నీ చెప్పేసినా… ఆ సినిమా ప్రారంభానికి చాలా సమయం పడుతుందని, ఈ లోపు అట్లీ (Atlee Kumar)  దర్శకత్వంలో ఓ సినిమా చేయాలని బన్నీ అనుకుంటున్నాడట. ఆ విషయం ఏప్రిల్‌ 8న చెప్పేస్తారని టాక్‌.