Anand, Vaishnavi: ఆనంద్ – వైష్ణవి..ల కొత్త మూవీ.. రీమేకా ..? ఫ్రీమేకా?

ఆనంద్ దేవరకొండ, వైష్ణవి చైతన్య మరోసారి జతకడుతున్న సంగతి తెలిసిందే. వీరి కాంబినేషన్లో వచ్చిన గత చిత్రం ‘బేబీ’ బాక్సాఫీస్ వద్ద ఏ స్థాయి విజయాన్ని నమోదు చేసిందో అందరికీ తెలుసు. అయితే ‘బేబీ’ సినిమాలో ఆనంద్, వైష్ణవి..లకి ఎటువంటి రొమాంటిక్ సీన్లు ఉండవు. అయితే ఇదే కాంబినేషన్లో రాబోతున్న నెక్స్ట్ మూవీలో మాత్రం రొమాంటిక్ ట్రాక్స్ ఎక్కువగానే ఉంటాయని తెలుస్తోంది. ఈ సినిమాకి ‘బేబీ’ దర్శకుడు సాయి రాజేష్ కథ అందిస్తున్నారు.

రవి నండూరి దర్శకుడిగా ఎంపికయ్యాడు. సాయి రాజేష్, ఎస్ కె యెన్ కలిసి ఈ చిత్రాన్ని నిర్మిస్తుండటం విశేషంగా చెప్పుకోవాలి. ఇక ఈ చిత్రం గురించి ఓ ఇంట్రెస్టింగ్ న్యూస్ ఫిలింనగర్లో చక్కర్లు కొడుతోంది. చెన్నై బ్యాక్ డ్రాప్లో ఈ సినిమా కథ ఉంటుందట. దీంతో ఈ చిత్రానికి ‘ది చెన్నై స్టోరీ’ అనే టైటిల్ అనుకుంటున్నట్లు సమాచారం.

అంతేకాదు ఇది 2 స్టేట్స్ ఇన్స్పిరేషన్ తో రూపొందుతుందని కూడా టాక్. ఆ చిత్రాన్ని గతంలో అడివి శేష్ హీరోగా శివాని రాజశేఖర్ హీరోయిన్ గా పెట్టి రీమేక్ చేయాలనుకున్నారు. కానీ ఎందుకో ఆ సినిమా షూటింగ్ దశలోనే ఆగిపోయింది. వాస్తవానికి శివాని రాజశేఖర్ డెబ్యూ మూవీ అదే కావాలి. అయితే అడివి శేష్ వద్దనుకుని ఆపేసిన ఆ సబ్జెక్ట్ తో ఆనంద్ దేవరకొండ- వైష్ణవి చైతన్య (Vaishnavi) ..లు ఎలాంటి అద్భుతాలు చేస్తారు? అసలు ఈ ప్రచారంలో ఎంతవరకు నిజముందో తెలియాల్సి ఉంది.

‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!

‘సైందవ్’ తో పాటు టాలీవుడ్లో వచ్చిన ఫాదర్-డాటర్ సెంటిమెంట్ మూవీస్ లిస్ట్..!
ఆ హీరోయిన్స్ చేతిలో ఒక సినిమా కూడా లేదంట..!