తెలుగు సినిమా అంటే ఇదీ అని చెప్పడానికి కొన్ని అంశాలు ఉంటాయి. అవి ఇంకే భాషలోనూ కనిపించవు. ఉదాహరణకు తొడ గొట్టడం, గొడ్డలి పట్టడం, పెద్ద కత్తులు తిప్పడం.. ఇలాంటి కొన్ని మాస్‌ ఎలిమెంట్స్‌ మనకు మాత్రమే ఉంటాయి. అలాంటి అంశాలను బాలీవుడ్‌ హీరోల సినిమాల్లో చూస్తే.. సమ్‌థింగ్‌ డిఫరెంట్‌గా అనిపిస్తుంది. ఇప్పుడు అలాంటి ప్రయత్నమే చేశారు సందీప్‌ రెడ్డి వంగా. ఆయన దర్శకత్వంలో బాలీవుడ్‌లో రూపొందుతున్న సినిమా లుక్‌ను విడుదల చేశారు.
రణ్‌బీర్‌ కపూర్‌ ప్రధాన పాత్రలో బాలీవుడ్‌లో ఓ సినిమా తెరకెక్కుతోంది. తెలుగు దర్శకుడు సందీప్‌ రెడ్డి వంగా ఆ సినిమాకు దర్శకుడు. చాలా రోజులుగా షూటింగ్‌ జరుపుకుంటున్న ఆ సినిమా నుండి ఓ లుక్‌ను న్యూ ఇయర్‌ సందర్భంగా విడుదల చేశారు. అందులో రక్తమోడుతున్న రణ్‌బీర్‌ కపూర్‌ను చూడొచ్చు. అలాగే అతని చేతిలో రక్తమోడుతున్న గొడ్డలి కూడా కనిపిస్తోంది. సినిమా పేరుకు తగ్గట్టే లుక్‌ ఉంది అని అంటున్నారు.
అయితే, తెలుగు దర్శకుడు హిందీకి వెళ్లినా అక్కడ కూడా తెలుగు మసాలా ఎలిమెంట్‌ ఉండేలా చూసుకున్నాడు అని అంటున్నారు అభిమానులు. బాలీవుడ్‌ హీరోలు ఇలా గొడ్డలి పట్టడం, రక్తమోడటం మనం చాలా తక్కువగా చూస్తుంంటాం. దీంతో ‘యానిమల్’ మన స్టయిల్‌లోనే ఉండొచ్చు అనే లెక్కలు కూడా వేసుకుంటున్నారు ఫ్యాన్స్. ‘యానిమల్’ సినిమాను టీ సిరీస్‌, భ‌ద్ర‌కాళి పిక్చ‌ర్స్ ప‌తాకాల‌పై ప్ర‌ణవ్ రెడ్డి, భూష‌ణ్ కుమార్ సినిమాను నిర్మిస్తున్నారు. రష్మిక మంద‌నా హీరోయిన్‌గా నటిస్తోంది.
తండ్రీ కొడుకుల మ‌ధ్య న‌డిచే సంఘ‌ర్ష‌ణ‌తో ఈ సినిమా తెర‌కెక్కుతుందని టాక్‌. తెలుగు, హిందీ భాష‌ల్లో రూపొందిస్తున్నారు. ఆగ‌స్ట్ 11న సినిమా విడుదల చేయ‌బోతున్న‌ట్లు మేక‌ర్స్ ఇప్పటికే క్లారిటీ ఇచ్చేశారు. సౌత్‌ కథలు రాజ్యమేలుతున్న బాలీవుడ్‌లో సౌత్‌ నుండి వెళ్లి దర్శకుడు చేసిన ఈ సినిమా ఏ మేరకు విజయం సాధిస్తుందో చూడాలి. సందీప్‌ రెడ్డి వంగా మన ‘అర్జున్‌ రెడ్డి’ని అక్కడికి ‘కబీర్‌ సింగ్‌’గా తీసుకెళ్లి భారీ విజయం అందుకున్న సంగతి తెలిసిందే.
బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!
ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?
Home