Anjali: మలయాళ రీమేక్ లో తెలుగు బ్యూటీ!

August 10, 2021 / 12:07 PM ISTByFilmy Focus

Join Us

మలయాళంలో సూపర్ హిట్ అయిన ‘నాయట్టు’ అనే సినిమాను ఇప్పుడు తెలుగు, తమిళ, కన్నడ భాషల్లో రీమేక్ చేయబోతున్నారు. తెలుగులో ప్రముఖ నిర్మాణ సంస్థ గీతాఆర్ట్స్ ఈ సినిమా హక్కులను సొంతం చేసుకుంది. ఇప్పుడు ఈ రీమేక్ కు సంబంధించిన పనులు మొదలయ్యాయి. నటీనటులు, సాంకేతక నిపుణులను ఎంపిక చేసుకునే పనిలో పడ్డారు. సినిమాలో కీలక పాత్ర కోసం హీరోయి అంజలిని తీసుకున్నారని సమాచారం. రావు రమేష్ మరో కీలకపాత్రలో కనిపించనున్నారని టాక్.

అలానే మరో మెయిన్ రోల్ కోసం యంగ్ హీరోలు సత్యదేవ్ లేదా శ్రీవిష్ణులలో ఒకరిని ఫైనల్ చేసే అవకాశాలు కనిపిస్తున్నాయి. దర్శకత్వం బాధ్యతలు ఎవరికి అప్పగించాలనే విషయంలో ఇంకా ఎలాంటి నిర్ణయం తీసుకోలేదు. తమిళంలో అయితే ఈ సినిమాను గౌతమ్ మీనన్ డైరెక్ట్ చేస్తున్నారు. తెలుగు రీమేక్ కూడా ఆయన చేతిలోనే పెట్టాలని చూస్తున్నారు. మరోపక్క సుధీర్ వర్మ లాంటి యంగ్ డైరెక్టర్ల పేర్లు కూడా పరిశీలిస్తున్నారు.

నెల రోజుల్లో ఈ సినిమా షూటింగ్ పూర్తి చేసి సినిమాను విడుదల చేయాలని ప్లాన్ చేస్తున్నారు. మరి అంత త్వరగా సినిమాను పూర్తి చేసే డైరెక్టర్ దొరకాలి. తక్కువ బడ్జెట్ లో వీలైనంత త్వరగా సినిమా పూర్తి చేయాలని అల్లు అరవింద్ భావిస్తున్నారు. మరేం జరుగుతుందో చూడాలి!