అర్జెంట్‌గా ఓ మాస్ సినిమా కావాలి బ్రో… ఏదో ఒకటి చేయ్‌! ఇలాంటి కామెంట్లు మీరు సోషల్ మీడియాలో హీరోల పోస్ట్‌ల కింద చూస్తూనే ఉంటారు. ఈ మాటలు చదువుతారో, వాళ్లకు ఎవరైనా చెబుతారో కానీ.. సినిమాల గ్యాప్‌లో ఓ మాస్ సినిమా పడేలా చూసుకుంటూ ఉంటారు. అయితే దీని కోసం గతంలో ఫ్యాక్షన్‌, మాఫియా డాన్‌, పోలీసు కథలు, పొలిటికల్‌ బ్యాక్‌డ్రాప్‌లు లాంటివి ఎంచుకునేవారు మన హీరోలు. అయితే ఇప్పుడు ఈ లిస్ట్‌లోకి సీక్రెట్ ఏజెంట్‌లను తీసుకొస్తున్నారు.
ఈ క్రమంలో మరో యువ హీరో కూడా సీక్రెట్ ఏజెంట్ అవ్వబోతున్నాడు. మాస్ సినిమాల ఆలోచన, పాన్ ఇండియా ఫీవర్‌ ఈ రెండూ కలసి సీక్రెట్ ఏజెంట్‌లా మారడానికి బెల్లంకొండ సాయిశ్రీనివాస్‌ సిద్ధమవుతున్నాడట. ఈ మేరకు తన కొత్త సినిమాకు ఓకే చెప్పాడట. ఈ మధ్య తెలుగులో సీక్రెట్ ఏజెంట్ కథలు ఎక్కువైపొతున్నాయి. పాన్ ఇండియా జోనర్‌గా దీనికి పేరు పడటంతో హీరోలు ఇలాంటి సినిమాల విషయంలో ఆసక్తి చూపిస్తున్నారు.
ఈ మధ్య ‘ఏజంట్’, ‘స్పై’ అంటూ ఇలాంటి సినిమాలే వచ్చాయి. సినిమా ఫలితం సంగతి పక్కనపెట్టి మరీ ఈ జోనర్‌కు క్రేజ్‌ పెరుగుతోంది. ‘పరంపర’ అనే వెబ్‌ సిరీస్‌తో ఆకట్టుకున్న విశ్వ అనే యువ దర్శకుడితో ఈ సినిమా చేయబోతున్నాడట బెల్లంకొండ సాయిశ్రీనివాస్‌. సీక్రెట్ ఏజెంట్ కథతో ఈ సినిమాను సిద్ధం చేస్తున్నారట. అంతేకాదు ఈ సినిమాలో హీరో డబుల్ రోల్ చేస్తాడట. ఇటీవలే హిందీ ‘ఛత్రపతి’ సినిమాతో బాలీవుడ్‌కి వెళ్లి బొప్పికట్టించుకున్న బెల్లంకొండకు (Sai Sreenivas) రాబోయే సినిమాలు చాలా కీలకం.
అందులోనూ పాన్ ఇండియా అంటున్నారు కాబట్టి… జాగ్రత్తగా అడుగులు వేయాలి మరి. ఇక ఈ సినిమాను ఎప్పటిలాగే జోనర్‌కి తగ్గట్టు తెలుగుతో పాటు హిందీలోనూ విడుదల చేస్తారట. అయితే ఈ సినిమాకు నిర్మాత ఎవరు, హీరోయిన్‌ ఎవరు అనే వివరాలు త్వరలోనే వెల్లడించే అవకాశం ఉందంటున్నారు. హీరోయిన్‌ బాలీవుడ్‌ నుండే రావొచ్చు అని సమాచారం.
పాత్ర కోసం ఇష్టాలను పక్కన పడేసిన నటులు వీళ్లేనా..!
సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
ఈ వారం థియేటర్/ ఓటీటీల్లో సందడి చేయబోతున్న 19 సినిమాలు/ సిరీస్ లు
Home