Allu Arjun: ఆ విషయంలో అల్లు అర్జున్ గురించి బాలీవుడ్ నటుడు ఏమన్నారంటే..!

ఇటీవల ప్రకటించిన 69వ జాతీయ చలన చిత్ర పురస్కారాలపై బాలీవుడ్‌ హీరో విక్కీ కౌశల్‌ తాజాగా స్పందించారు. అవార్డుల విషయంలో జ్యూరీ నిర్ణయం ఎప్పుడూ గొప్పగా ఉంటుందని అభిప్రాయం వ్యక్తం చేశారు. ‘పుష్ప: ది రైజ్‌’ చిత్రానికిగాను ఉత్తమ నటుడు పురస్కారానికి ఎంపికైన టాలీవుడ్‌ హీరో అల్లు అర్జున్‌ ను ఆయన ప్రశంసించారు. ఆ చిత్రంలో లో అర్జున్‌ అద్భుతంగా నటించారని కొనియాడారు. జాతీయ మీడియాతో విక్కీ కౌశల్‌ ప్రత్యేకంగా మాట్లాడుతూ.. నేషనల్‌ అవార్డ్స్‌పై స్పందించారు.

తాను నటించిన ‘సర్దార్‌ ఉద్దమ్‌’ గురించి ప్రశ్న ఎదురవగా.. దర్శకుడు సూజిత్‌ సిర్కార్‌తో కలిసి పనిచేయడమే ఏదో సాధించినట్లు ఫీలయ్యానని, అలాంటిది ఆ సినిమాకి పలు విభాగాల్లో జాతీయ అవార్డులురావడం బోనస్‌ అని పేర్కొన్నారు. ఆ సినిమా ఎన్నో విషయాల్లో వ్యక్తిగతంగా తనకు చాలా ప్రత్యేకమన్నారు. హిట్‌, ఫ్లాప్‌.. ఇలా సినిమాల ఫలితం ఏదైనా తాను స్వీకరిస్తానని పేర్కొన్నారు. ఉత్తమ చిత్రంసహా ఐదు విభాగాల్లో ‘సర్దార్‌ ఉద్దమ్‌’ జాతీయ పురస్కారం దక్కించుకుంది.

‘ఉరి: ది సర్జికల్‌ స్ట్రైక్‌’ (2019) సినిమాలోని నటనకుగాను విక్కీని జాతీయ అవార్డు వరించిన సంగతి తెలిసిందే. జాతీయ ఉత్తమ నటుడు అవార్డు దక్కించుకున్న తొలి తెలుగు నటుడిగా అల్లు అర్జున్‌ చరిత్ర సృష్టించారు. ఇదే సినిమాకిగాను ఉత్తమ సంగీత దర్శకుడిగా దేవీశ్రీ ప్రసాద్‌ నిలిచారు.

‘పుష్ప: ది రైజ్‌’ సీక్వెల్‌గా ‘పుష్ప: ది రూల్‌’ రూపొందుతోంది. సుకుమార్‌ దర్శకత్వం వహిస్తున్న ఈ సినిమా వచ్చే ఏడాది ఆగస్టు 15న విడుదల కానుంది. ఇప్పటికే విడుదలైన (Allu Arjun) హీరో ఫస్ట్‌లుక్‌, గ్లింప్స్‌ సినిమాపై అభిమానుల్లో అంచనాలు పెంచాయి.

మార్క్ ఆంటోనీ సినిమా రివ్యూ & రేటింగ్!

ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!