Court First Review: నాని నమ్మకమే నిజమవుతుందా?

నాని (Nani)  సమర్పణలో ‘వాల్ పోస్టర్ సినిమా’ బ్యానర్ పై ప్రశాంతి తిపిర్నేని (Prashanti Tipirneni) నిర్మాణంలో రూపొందిన సినిమా ‘కోర్ట్’  (Court) . ప్రియదర్శి (Priyadarshi Pulikonda) ప్రధాన పాత్రలో తెరకెక్కిన ఈ సినిమాకి ‘స్టేట్ వర్సెస్ నో బడీ’ అనేది క్యాప్షన్. ‘కథలెన్నో’ అనే పాట, ట్రైలర్ సినిమాపై అంచనాలు పెంచాయి. విజయ్ బుల్గానిన్ (Vijay Bulganin) సంగీతం అందించారు. రామ్ జగదీష్ దర్శకుడు. మార్చి 14 న ఈ సినిమా ప్రేక్షకుల ముందుకు రానుంది. అయితే కంటెంట్ పై ఉన్న నమ్మకంతో 2 రోజుల ముందు నుండి ప్రీమియర్స్ వేస్తున్నాడు నిర్మాత నాని.

Court First Review:

అయితే మరోపక్క ఇండస్ట్రీలో ఉన్న ఫ్రెండ్స్ అందరికీ నాని స్పెషల్ షో వేసి మరీ కోర్టు సినిమాని చూపించినట్టు సమాచారం. సినిమా చూశాక వారు తమ అభిప్రాయాన్ని కూడా షేర్ చేసుకున్నారు. వారి టాక్ ప్రకారం.. సినిమా 2 గంటల 29 నిమిషాల నిడివి కలిగి ఉంటుందట. టీనేజ్ కి వచ్చిన ఓ అమ్మాయి, అబ్బాయి.. ఒకరినొకరు ప్రేమించుకోవడం.. అది నచ్చని అమ్మాయి ఇంటి వాళ్ళు వీళ్ళని విడదీసే ప్రాసెస్లో…

ఆ 19 ఏళ్ళ కుర్రాడిపై ‘ఫోక్సో’ వంటి భయంకరమైన సెక్షన్లతో కేసులు పెట్టి ఇరికించడం జరుగుతుందట. బీద కుటుంబంలో పుట్టిన ఆ కుర్రాడికి న్యాయం చేయడానికి ఏ లాయర్ ముందుకు రారు. వచ్చినా.. కోర్టులో వాదించినా ఆ కుర్రాడు నిర్దోషి అని ప్రూవ్ చేయడానికి సాధ్యపడని పరిస్థితి. ఇలాంటి టైంలో ఓ కుర్ర లాయర్ (ప్రియదర్శి) ఆ కేసును టేకప్ చేయడం. ఆ తర్వాత అతనికి ఎదురైన పరిస్థితులు.. మిగతా సినిమా అని చూసిన వాళ్ళు చెబుతున్నారు.

‘పెద్దవాళ్ళకి ఈరోజుల్లో న్యాయం జరగడం లేదు’ అనే పాయింట్ తోనే ఈ సినిమా కూడా రూపొందిందట. ప్రియదర్శి నటన చాలా నేచురల్ గా అందరికీ కనెక్ట్ అయ్యే విధంగా ఉంటుంది అని అంటున్నారు. అలాగే టీనేజ్ లవర్స్ గా హర్ష్ రోషన్ (Harsh Roshan) , శ్రీదేవి ఆపళ్ళ చాలా చక్కగా చేశారట. శివాజీ (Sivaji) రోల్ కూడా బాగా వర్కౌట్ అయ్యిందని.. సినిమాకి క్లైమాక్స్ ప్రాణం అని సినిమా చూసిన వాళ్ళు చెబుతున్నారు. మరి ప్రీమియర్స్ ముగిశాక ఈ సినిమాకు ఎలాంటి టాక్ వస్తుందో చూడాలి