Deepika Padukone: దీపికాని కన్ఫర్మ్ చేసిన అల్లు అర్జున్- అట్లీ మూవీ టీం.. దీని వెనుక ఉన్న స్కెచ్ అదేనా?!

దీపికా పదుకోనె (Deepika Padukone) ఇటీవల ‘స్పిరిట్’ (Spirit) అనే భారీ బడ్జెట్ సినిమాని మిస్ చేసుకున్నట్టు వార్తల్లో నిలిచింది. పెద్ద స్టార్ హీరోయిన్ అని కూడా చూడకుండా.. దర్శకుడు సందీప్ రెడ్డి వంగా (Sandeep Reddy Vanga)  ఆమెను ప్రాజెక్టు నుండి తప్పించి ఓ బి గ్రేడ్ ఇమేజ్ ఉన్న నటిని మెయిన్ హీరోయిన్ గా తీసుకోవడంతో.. దీపికా పీఆర్ సంఘాలు గోలెట్టేశాయి. ఈ క్రమంలో ఆమెకు అజయ్ దేవగన్, మణిరత్నం వంటి స్టార్స్ కూడా మద్దతు పలికారు.

Deepika Padukone

ఏదేమైనప్పటికీ దీపికా వెంటనే ‘స్పిరిట్’ తో సరిసమానమైన ఓ పెద్ద ప్రాజెక్టుని ఓకే చేసి.. సందీప్ కి ధీటుగా సమాధానం ఇచ్చింది అని చెప్పాలి. అల్లు అర్జున్  (Allu Arjun)  – అట్లీ (Atlee Kumar) కాంబినేషన్లో తెరకెక్కుతున్న ఈ భారీ బడ్జెట్ అండ్ పాన్ వరల్డ్ సినిమాలో ఓ హీరోయిన్ గా దీపికా పదుకోనె ఎంపికైనట్టు మేకర్స్ కన్ఫర్మ్ చేశారు. ఇందుకు గాను ఆమె పాత్రకు సంబంధించిన లుక్ టెస్ట్ విజువల్స్ కూడా ఇందులో మనం గమనించవచ్చు. ఆమెను ఈ సినిమాలో ఓ క్వీన్ గా పరిచయం చేశారు.

కత్తి పట్టి ఆమె హార్స్ రైడింగ్ సీక్వెన్స్ లలో, అలాగే వార్ ఎపిసోడ్స్ లో నటించాల్సి ఉందని కూడా వెల్లడించారు మేకర్స్. అట్లీ దర్శకత్వంలో దీపికా చేస్తున్న రెండో సినిమా ఇది. గతంలో షారుఖ్ (Shah Rukh Khan) నటించిన ‘జవాన్’ లో కూడా ఆమె ముఖ్య పాత్ర పోషించింది. ఇక తెలుగులోనూ దీపికా చేస్తున్న రెండో సినిమా ఇది. ఆమె ప్రధాన పాత్రలో తెరకెక్కిన ‘కల్కి 2898 ad’ (Kalki 2898 AD) మంచి విజయాన్ని అందుకున్న సంగతి తెలిసిందే. మరి అల్లు అర్జున్ 22 తో ఏ మేర ఆకట్టుకుంటుందో చూడాలి.

 ఆ సినిమాలో రవితేజను వెంకీ అని పిలవలేదట.. మీరు పసిగట్టారా?