తన డెలివరీ గురించి చెప్పిన ప్రముఖ నటి ఎవరంటే..?

March 17, 2023 / 07:23 PM ISTByFilmy Focus

Join Us

తన డెలివరీ గురించి చెప్పిన ప్రముఖ నటి ఎవరంటే..?

ఈ వెడ్డింగ్ సీజన్‌లో సెలబ్రిటీలంతా ఒక్కొక్కరుగా పెళ్లి పీటలెక్కుతున్నారు.. మరికొందరు త్వరలో తల్లిదండ్రులం కాబోతున్నామని తెలియజేస్తూ బేబి బంప్, బేబి షవర్ పిక్స్, వీడియోస్ షేర్ చేస్తూ గుడ్ న్యూస్ చెప్తున్నారు.. ఇటీవలే యాంకర్ లాస్య రెండోసారి బాబుకి జన్మనిచ్చింది.. త్వరలో మెగా పవర్ స్టార్ రామ్ చరణ్ – ఉపాసన తల్లిదండ్రులు కాబోతున్నారు.. తాజాగా ఓ ప్రముఖ నటి తాను జూన్ నెలలో బిడ్డకు జన్మనివ్వబోతున్నానని ప్రకటించింది.. సనా ఖాన్.. నటిగా ప్రేక్షకులకు పరిచయమే..

ఆమె తండ్రి కేరళలోని కన్నూర్ ప్రాంతానికి చెందిన వ్యక్తి.. తల్లి ముంబై వాసి.. సనా ధారావిలో పుట్టి పెరిగింది.. 2005లో ‘యహి హై హై సొసైటీ’ అనే హిందీ మూవీతో కెరీర్ స్టార్ట్ చేసిన సనా.. తమిళ్, తెలుగు, కన్నడ, మలయాళం బాషల్లోనూ నటించింది.. తెలుగులో ‘కళ్యాణ్ రామ్ కత్తి’, మిస్టర్ నూకయ్య’, ‘గగనం’ వంటి సినిమాలతో అలరించింది.. తర్వాత హిందీ బిగ్ బాస్ సీజన్ 6లో పాల్గొని సెకండ్ రన్నరప్ గా నిలిచింది. ఆ షో ఆమెకు మంచి పేరు తెచ్చింది.

అంతలోనే ఇస్లామిక్ పండితుడు ముఫ్తీ అనస్ సయ్యద్ ను వివాహం చేసుకుని, సినిమాలకు రిటైర్‍మెంట్ ప్రకటించింది.. తాజాగా తాను తల్లి కాబోతున్నాంటూ శుభవార్త చెప్పింది సనా ఖాన్.. ఫిబ్రవరిలోనే గర్భవతినని కొన్ని హింట్స్ ఇచ్చింది. ఈ ఏడాది హజ్ తీర్థ యాత్రకు సంబంధించిన ఫోటోలను సోషల్ మీడియాలో షేర్ చేసుకున్న సనా ఖాన్ అప్పుడే సంతోషకర వార్తను పంచుకుంది. అయితే తాజాగా ఓ ఇంటర్వ్యూలో పాల్గొన్న భార్యా భర్తలు తమ ఫస్ట్ బేబి కోసం ఎదురు చూస్తున్నట్లు చెప్పారు.

తాను గర్భం దాల్చానని, జూన్ చివరిలో తన డెలివరీ అని వెల్లడించింది. ఇది పూర్తిగా భిన్నమైన ప్రయాణమని చెప్తూ ఎమోషనల్ అయ్యింది సనా ఖాన్.. ఇది తాను అందమైన ప్రయాణం అనుకుంటున్నానని, తన బిడ్డను తన చేతులతో ఎత్తుకునేందుకు ఎదురు చూస్తున్నట్లు చెప్పింది. దీంతో ఇండస్ట్రీ వారు, అభిమానులు ఆమెకు కంగ్రాట్స్ చెప్తున్నారు..