టాలీవుడ్ స్టార్ మ్యూజిక్ డైరెక్టర్ దేవిశ్రీప్రసాద్ ఇటీవల ‘పుష్ప’ సినిమాతో మరో హిట్టు తన ఖాతాలో వేసుకున్నారు. తమన్ లాంటి సంగీత దర్శకుడు అవకాశాలన్నీ కొట్టేస్తున్నప్పటికీ.. దేవిశ్రీ కూడా తన క్రేజ్ తో మంచి అవకాశాలు దక్కించుకుంటున్నారు. ఆయన మ్యూజిక్ అందించిన ‘పుష్ప’ సినిమా పాటలన్నీ యూట్యూబ్ లో రికార్డులు సృష్టించాయి.
ముఖ్యంగా ‘ఊ అంటావా మావా’ సాంగ్ అయితే దేశవ్యాప్తంగా వైరల్ అయింది. దీంతో బాలీవుడ్ మేకర్స్ దృష్టి దేవిశ్రీప్రసాద్ పై పడింది. ‘పుష్ప’ హిందీ ట్యూన్స్ తో బాలీవుడ్ లో ఫేమస్ అయ్యారు ఈ సంగీత దర్శకుడు. అయితే ఇప్పటివరకు నేరుగా ఒక్క హిందీ సినిమాకు కూడా పని చేయలేదు దేవిశ్రీప్రసాద్. ఇప్పుడు ఓ అవకాశం ఆయన్ను వెతుక్కుంటూ వచ్చినట్లు సమాచారం.
రీసెంట్ గా దేవిశ్రీ ప్రముఖ బాలీవుడ్ నిర్మాత భూషణ్ కుమార్ ను కలిసినట్లు తెలుస్తోంది. టీసిరీస్ బ్యానర్ పై పలు భారీ ప్రాజెక్ట్ లను నిర్మిస్తుంటారు భూషణ్ కుమార్. ప్రస్తుతం ఆయన చేతుల్లో వంద కోట్ల బడ్జెట్ సినిమాలు ఉన్నాయి. అలానే ఇండిపెండెంట్ సాంగ్స్ ను కూడా రిలీజ్ చేస్తుంటారు. దేవిశ్రీని కలిసిన భూషణ్ కుమార్ ఆయనొక ఆఫర్ చేసినట్లు సమాచారం.
ఇటీవల తమన్ బాలీవుడ్ సినిమాలకు మ్యూజిక్ అందించడం తనకు ఇష్టం లేదని.. హిందీ సినిమాలపై విమర్శలు కూడా చేశారు. ఆయన మాటలను బట్టి బాలీవుడ్ లో అవకాశం వచ్చినా చేసేలా లేరు. మరి దేవిశ్రీప్రసాద్ బాలీవుడ్ ఆఫర్లను అందుకుంటారేమో చూడాలి!
Most Recommended Video
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!
Home