నందమూరి బాలకృష్ణ తనయుడు మోక్షజ్ఞ సినిమాల్లో ఎంట్రీ ఇవ్వబోతున్నట్లు చాలా కాలంగా వార్తలొస్తున్నాయి. కానీ ఇప్పటివరకు ఈ సినిమా పట్టాలెక్కలేదు. మధ్యలో మోక్షజ్ఞ ఫొటోలు సోషల్ మీడియాలో దర్శనమిచ్చినప్పుడు అతడు అవుట్ ఆఫ్ షేప్ లో ఉండడం చూసి ఇప్పట్లో అతడి డెబ్యూ ఉండదని అనుకున్నారు. అనుకున్నట్లుగా అతడి నుంచి ఇప్పటివరకు ఎలాంటి సినిమా ప్రకటన రాలేదు. కొన్నాళ్లక్రితం వరకు దర్శకుడు పూరి జగన్నాధ్.. మోక్షజ్ఞను లాంచ్ చేస్తారని వార్తలొచ్చాయి.
కానీ పూరి వేరే ప్రాజెక్ట్స్ తో బిజీ అయిపోయారు. ఇప్పుడు ‘లైగర్’ సినిమాను రూపొందించారు. ఈ సినిమా విడుదల కాకముందే విజయ్ దేవరకొండ హీరో మరో సినిమా అనౌన్స్ చేశారు. ఇది పూర్తి చేయడానికి మరింత సమయం పడుతుంది. ఆ తరువాత మోక్షజ్ఞ లాంటి స్టార్ కిడ్ ని లాంచ్ చేసే బాధ్యతను పూర్తి తీసుకుంటారో లేదో కూడా సందేహమే. అప్పటికి పూరి పాన్ ఇండియా ప్రాజెక్ట్ లతో బిజీ అయ్యే ఛాన్స్ ఉంది. ఈ సంగతి ఇలా ఉంటే..
బాలకృష్ణ తన కుమారుడి లాంచ్ కోసం ఆల్రెడీ డైరెక్టర్ ని ఫిక్స్ చేసినట్లు సమాచారం. భారీ కమర్షియల్ ఫిల్మ్ కాకుండా సింపుల్ అండ్ క్లీన్ ఎంటర్టైనర్ తో మోక్షజ్ఞ ఎంట్రీ ఉండాలని బాలయ్య భావిస్తున్నారు. అందుకే అనిల్ రావిపూడి లాంటి డైరెక్టర్ చేతుల్లో మోక్షజ్ఞను పెట్టాలనుకుంటున్నారు. అనిల్ రావిపూడి సినిమాలు చాలా ఎంటర్టైనింగ్ గా ఉంటాయి. అతడి సినిమాల్లో హీరోలు కామెడీ నుంచి యాక్షన్ సీన్స్ వరకు అన్నీ చేస్తారు.
అలాంటి సినిమా అయితే మోక్షజ్ఞ టాలెంట్ ను నిరూపించుకునే ఛాన్స్ ఉంటుందని.. తెలుగు ప్రేక్షకులు అతడి ప్రతిభను గుర్తిస్తారనేది బాలయ్య ఆలోచన. ఈ మధ్యకాలంలో వారసత్వంతో కంటే టాలెంట్ తోనే ఇండస్ట్రీలో రాణిస్తున్నారు చాలా మంది హీరోలు. మరి మోక్షజ్ఞకు ఎలాంటి గుర్తింపు వస్తుందో చూడాలి!
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
