Kalki Movie: కల్కి ప్రమోషన్స్ విషయంలో నెక్స్ట్ లెవెల్ ప్లాన్స్.. ఏం జరిగిందంటే?

ప్రభాస్ (Prabhas)  నాగ్ అశ్విన్ (Nag Ashwin) కాంబినేషన్ లో తెరకెక్కుతున్న కల్కి 2898 ఏడీ  (Kalki 2898 AD) సినిమాపై అత్యంత భారీ స్థాయిలో అంచనాలు ఏర్పడ్డాయి. పాన్ వరల్డ్ సినిమాగా ఈ సినిమా థియేటర్లలో విడుదల కానుంది. ఈ సినిమా కోసం మే నెల 30వ తేదీని పరిశీలిస్తున్నారని ప్రచారం జరుగుతుండగా ఆ తేదీకి సంబంధించి త్వరలో అధికారిక ప్రకటన రానుంది. నాగ్ అశ్విన్ ఈ సినిమా ప్రమోషన్స్ ను వేరే లెవెల్ లో ప్లాన్ చేశారని సమాచారం.

ఈ సినిమాలోని పాత్రలను పరిచయం చేస్తూ ఒక యానిమేషన్ వీడియోను సిద్ధం చేస్తున్నారని తెలుస్తోంది. ఓటీటీ వేదికగా ఈ వీడియోను రిలీజ్ చేయనున్నారని తెలుస్తోంది. ప్రముఖ ఓటీటీలలో ఒకటైన నెట్ ఫ్లిక్స్ వేదికగా ఏప్రిల్ నెల 9వ తేదీన ఈ వీడియో రిలీజ్ కానున్నట్టు ప్రచారం జరుగుతుండగా కల్కి టీమ్ ఈ వార్తలను ధృవీకరించాల్సి ఉంది. ప్రభాస్ ఈ సినిమాలో భైరవ అనే రోల్ లో కనిపించనున్నారు.

ప్రభాస్ తన పాత్రకు సంబంధించిన డబ్బింగ్ వర్క్ ను ఇప్పటికే పూర్తి చేశారని సమాచారం అందుతోంది. గతంలో ఏ భారతీయ సినిమాను ప్రమోట్ చేయని విధంగా ఈ సినిమాను ప్లాన్ చేస్తున్నారని తెలుస్తోంది. కల్కి సినిమా బాక్సాఫీస్ వద్ద సరికొత్త రికార్డులను క్రియేట్ చేయడం ఖాయమని ఫ్యాన్స్ భావిస్తున్నారు. ప్రభాస్ ఫ్యాన్స్ ఈ సినిమా కోసం ఆసక్తిగా ఎదురుచూస్తున్నారు.

కల్కి 2898 ఏడీ బాహుబలి2 రికార్డ్స్ ను బ్రేక్ చేసే మూవీ అవుతుందని ఫ్యాన్స్ ఫీలవుతున్నారు. కల్కి 2898 ఏడీ సినిమాలో కమల్ హాసన్ పాత్ర స్పెషల్ గా ఉండనుందని సమాచారం అందుతోంది. కల్కి 2898 ఏడీ కథ, కథనం సరికొత్తగా ఉండనున్నాయని తెలుస్తోంది. కల్కి సినిమాలో యాక్షన్ సీన్స్ ఎంతో స్పెషల్ గా ఉంటాయని భోగట్టా. ఈ సినిమా వైజయంతీ మూవీస్ బ్యానర్ రేంజ్ ను పెంచనుందని తెలుస్తోంది.