Major Movie: ప్రతి భారతీయుడు తప్పకుండా చూడాల్సిన సినిమా మేజర్!

May 26, 2022 / 02:12 PM ISTByFilmy Focus

Join Us

Major Movie: ప్రతి భారతీయుడు తప్పకుండా చూడాల్సిన సినిమా మేజర్!

శశికిరణ్ తిక్క దర్శకత్వంలో, యంగ్ అండ్ టాలెంటెడ్ హీరో అడివి శేష్ ప్రధాన పాత్రలో తెరకెక్కిన చిత్రం మేజర్. 26/11 దాడులలో వీరమరణం పొందిన జవాన్ మేజర్ సందీప్ ఉన్నికృష్ణన్ జీవిత కథ ఆధారంగా తెరకెక్కిన ఈ సినిమా కోసం దేశం మొత్తం ఎంతో ఆతృతగా ఎదురు చూస్తుంది.ఎంతో ప్రతిష్టాత్మకం పాన్ ఇండియా స్థాయిలో తెరకెక్కిన ఈ సినిమా జూన్ 3వ తేదీ ఎంతో ఘనంగా విడుదల కానుంది. విడుదల తేదీ దగ్గర పడటంతో ఈ సినిమా ప్రమోషన్ కార్యక్రమాలను వేగవంతం చేశారు.

ఇక ఈ సినిమాకు సంగీత దర్శకత్వం వహించిన మ్యూజిక్ డైరెక్టర్ శ్రీ చరణ్ పాకాల తాజాగా ఒక ఇంటర్వ్యూలో పాల్గొని ఈ సినిమా గురించి పలు ఆసక్తికరమైన విషయాలను వెల్లడించారు. ఈ సందర్భంగా శ్రీ చరణ్ మాట్లాడుతూ మేజర్ సినిమాలో చాలా లేయర్స్ వున్నాయి. యాక్షన్, థ్రిల్లింగ్ మూమెంట్స్. లవ్ స్టొరీ, ఎమోషన్.. ఇలా చాలా లేయర్స్ వున్నాయి. ఇక తన కెరీర్ లో తాను చేసిన మొట్టమొదటి బయోపిక్ చిత్రం ఇదేనని ఈ సినిమాతో తన కల నెరవేరిందని శ్రీ చరణ్ ఈ సందర్భంగా వెల్లడించారు.

మేజర్ సందీప్ ఉన్నికృష్ణన్ జీవితం ఆధారంగా తెరకెక్కిన ఈ సినిమా ఎంతో అద్భుతంగా ఉందని ఇందులో అడివి శేష్ నటిస్తున్నారని తెలియగానే ఎంతో ఎక్సైట్ అవ్వడంతో పాటు భయం కూడా వేసిందని ఆయన తెలిపారు. వివిధ భాషలలో తెరకెక్కిన ఈ సినిమాని ఎంతో బాధ్యత చేయాల్సి ఉంటుంది.అన్ని భాషలలో ఈ సినిమా విడుదల అవుతుంది కనుక ప్రతి ఒక్క భాషలోనూ సంగీతం సమకూర్చడం చాలా కష్టం. ఎందుకంటే ఒక భాష నుంచి మరొక భాషకు వెళ్లే సరికి లిరిక్ మొత్తం మారిపోతుంది.

అందుకే ఈ సినిమా కోసం ఎంతో జాగ్రత్తగా, ఎంతో బాధ్యతగా వర్క్ చేశామని తెలిపారు. నిజ జీవితంలో 26/11 ఘటన జరిగినప్పుడు తను చాలా చిన్నవాడిని చిన్నప్పటి సందీప్ ఫోటో చూడగానే అతని ముఖకవళికలు నా మనసులో బలంగా నాటుకుపోయని ఈ సందర్భంగా శ్రీ చరణ్ వెల్లడించారు. ఇక ఎంతో అద్భుతంగా తెరకెక్కిన మేజర్ సినిమాను ప్రతి ఒక్క భారతీయుడు తప్పకుండా చూడాల్సిన సినిమా అంటూ ఈ సందర్భంగా ఈ సినిమా సంగీత దర్శకుడు శ్రీ చరణ్ పాకాల ఆసక్తికరమైన విషయాలను వెల్లడించారు.