Sukumar: సుకుమార్.. అలా జరక్కపోయి ఉంటే సినిమాలకు దూరమే..!

టాలీవుడ్‌లో అత్యంత ప్రతిభావంతులైన దర్శకుల్లో ఒకరైన సుకుమార్, తన ప్రత్యేకమైన కథలతో అందరినీ మెప్పించిన వ్యక్తి. డైరెక్టర్‌గా తన ప్రయాణం మొదలైనప్పుడు, “ఆర్య”తో (Aarya) బ్లాక్ బస్టర్ విజయాన్ని అందుకున్న ఆయన, అప్పటినుంచి వెనుదిరిగి చూడలేదు. అయితే, ప్రతిభతో పాటు ఒడిదుడుకులు కూడా సుకుమార్ (Sukumar) కెరీర్‌లో కీలకమైన భాగంగా నిలిచాయి. “జగడం” (Jagadam) వంటి ప్రయోగాత్మక సినిమాతో బాక్సాఫీస్‌ను ఆశించినంతగా ఆకట్టుకోలేకపోయిన సుకుమార్, “వన్ నేనొక్కడినే”తో (1: Nenokkadine) సూపర్ స్టార్ మహేష్ బాబుతో (Mahesh Babu) మరో ప్రయోగం చేశారు.

Sukumar

హాలీవుడ్ తరహాలో తెరకెక్కించిన ఈ సినిమా, అప్పటి ప్రేక్షకుల అంచనాలకు తగ్గట్లుగా కాకపోయినా, ఒక మాస్టర్ పీస్‌గా నిలిచింది. కానీ, భారతీయ బాక్సాఫీస్ వద్ద పెద్దగా వసూళ్లు సాధించలేదు. ఇటీవల, డల్లాస్‌లో జరిగిన ఒక ఈవెంట్‌లో సుకుమార్ తన కెరీర్‌లో జరిగిన ఓ కీలక సంఘటన గురించి వెల్లడించారు. “వన్ నేనొక్కడినే” భారత్‌లో పరాజయం పొందినప్పుడే, సినిమాలకు గుడ్ బై చెప్పాలనే ఆలోచన తలెత్తిందని అన్నారు.

“ఆ సమయానికి అమెరికాలో ఆ సినిమా మంచి రెస్పాన్స్ పొందకపోయి ఉంటే, నేను డైరెక్టింగ్‌కు దూరమయ్యే వాడిని,” అని చెప్పిన ఆయన, యూఎస్ ఆడియన్స్‌కు ప్రత్యేకంగా ధన్యవాదాలు తెలిపారు. తనను మళ్లీ సినిమాల్లోకి కొనసాగించడానికి, అమెరికాలో ఆడియన్స్ చూపించిన ఆదరణే కారణమని సుకుమార్ (Sukumar) స్పష్టం చేశారు. “నన్ను మళ్లీ నిలదొక్కుకునేలా ప్రోత్సహించిన యూఎస్ ప్రేక్షకుల్ని ఎప్పటికీ మరచిపోలేను,” అని అన్నారు.

“వన్ నేనొక్కడినే” తర్వాత వచ్చిన “నాన్నకు ప్రేమతో,” (Nannaku Prematho) “రంగస్థలం,” (Rangasthalam) ఇప్పుడు “పుష్ప” (Pushpa)సిరీస్ లాంటి సినిమాలు, సుకుమార్ టాలెంట్‌ను ప్రపంచానికి చాటిచెప్పాయి. ఈ వ్యాఖ్యల నేపథ్యంలో, నెటిజన్లు, అభిమానులు సుకుమార్ గొప్పతనాన్ని ప్రశంసిస్తున్నారు. “అప్పట్లో ఆయన డైరెక్షన్ ఆపి ఉంటే, పుష్ప వంటి మహత్తరమైన సినిమాలను మిస్ అయ్యేవాళ్లం,” అంటూ అభిమానులు అభిప్రాయపడుతున్నారు.

పెండింగ్ షూటింగ్ల విషయంలో నిర్మాతలని ఇరికించేసిన పవన్ కళ్యాణ్!