శంకర్‌ -రామ్‌చరణ్‌ – దిల్‌ రాజు… సినిమా గురించి అఫీషియల్‌గా ఏవైనా వివరాలు ప్రకటించేస్తే బాగుండు. పెద్ద సినిమా కదా… ఎవరికివారు రకరకాల కథలు అల్లేసి సినిమా గురించి నమ్మేయాలి అనిపించేలా రాసుకొచ్చేస్తున్నారు. అందులో కొన్ని ఆసక్తికరంగా, నిజమైతే బాగుండు అనేలా ఉన్నాయి. ఇటీవల రామ్‌చరణ్‌ -శంకర్‌ – దిల్‌ రాజు కలిసినప్పుడు ఈ పాయింట్లే చర్చకు వచ్చాయంటున్నారు. రామ్‌చరణ్‌ కోసం శంకర్‌ సామాజిక బాధ్యతను తెలిపే… రాజకీయ కథ సిద్ధం చేస్తున్నారని తెలుస్తోంది.
ఇది పాత మాటే. అయితే ఇందులో చరణ్ డ్యూయల్‌ రోల్‌లో కనిపించబోతున్నాడట. ఇది పక్కన పెడితే… కలెక్టర్‌గా పని చేసే ఓ వ్యక్తి సమాజంలో పరిస్థితులు నచ్చక రాజకీయాల్లోకి వచ్చి మార్చాలి అనుకుంటారట. అంటే చరణ్ కలెక్టర్‌గా, సీఎంగా కనిపిస్తాడు అని ఈ పుకార్ల అర్థం. వీటిలో ఎంతవరకు నిజం ఉందనేది తెలియాల్సి ఉంది. ఇక ఆఖరిది ‘అయితే అంతకుమించి మనకేం కావాలి’ అనిపించేది ఒకటి ఉంది. అదే ఈ సినిమాలో చిరంజీవి ఓ అతిథి పాత్రలో మెరవబోతున్నారట.
సినిమాలో కీలక సమయంలో చిరంజీవి వచ్చి కనిపిస్తారని అంటున్నారు. సినిమా ఇంకా ప్రాథమిక దశ కూడా మొదలు కాకుండానే ‘చిరంజీవి పుకారు’ను నమ్మలేం. కానీ జరిగితే బాగుండు అనిపిస్తోంది కాబట్టి. అభిమానులూ… గట్టిగా అనేసుకొండి మరి.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
