సినిమా పోస్టర్‌ను చూసి కథను చెప్పేస్తున్న రోజులివి. ఇక్కడో విషయం ఏంటంటే.. అలా చెప్పిన కథలు దాదాపు కరెక్ట్‌ అవుతున్నాయి. అయితే ఈ కథలు చెప్పే క్రమంలో ఇటీవల కాలంలో ఎక్కువగా ఆ సినిమా, మరో సినిమాకు రీమేక్ అంటూ పుకార్లు వస్తున్నాయి. అలా తాజాగా పుకార్ల షికార్లు వస్తున్న సినిమా ‘డంకీ’. బాలీవుడ్‌ బాద్‌షా షారుఖ్‌ ఖాన్‌, వైవిధ్య చిత్రాల దర్శకుడు రాజ్‌ కుమార్ హిరాణీ కాంబినేషన్‌లో తెరకెక్కుతున్న సినిమా ఇది. ఈ సినిమా మీద గతంలో వచ్చిన పుకార్లు టీజర్‌ చూశాక నిజం అని అనిపిస్తున్నాయి.
వరుస పరాజయాలతో డీలా పడ్డ బాలీవుడ్‌ను తిరిగి పట్టాలెక్కించే ప్రయత్నంలో ఉన్నాడు షారుఖ్‌ ఖాన్‌. ఈ క్రమంలో రెండు భారీ సిక్సర్లు కొట్టి ఊపు తీసుకొచ్చాడు. తొలుత ‘పఠాన్‌’ అంటూ బాలీవుడ్‌ దర్శకుడితో వచ్చి విజయం సాధించగా, రెండోసారి ‘జవాన్‌’ అంటూ తమిళ దర్శకుడితో వచ్చి హిట్‌ కొట్టాడు. ఇప్పుడు ముచ్చటగా మూడో సినిమాతో విజయం సాధించి హ్యాట్రిక్‌ సాధించే పనిలో ఉన్నాడు. అదే ‘డంకీ’. ఈ సినిమా తొలి టీజర్‌ వీడియో చిత్రబృందం ఇటీవల విడుదల చేసింది.
ఈ సినిమా డిసెంబరు 21న విడుదల చేస్తున్నారు. ఈ క్రమంలోనే సినిమా ఓ పంజాబీ సినిమాకు రీమేక్ అనే వార్త బయిటకు వచ్చింది. అయితే తొలినాళ్లలో ఈ మాటను లైట్‌ తీసుకున్న సినిమా వర్గాలు, అభిమానులు ఇప్పుడు తొలి టీజర్‌ చూసి నిజమేనేమో అని అంటున్నారు. అయితే ఈ సినిమా దానికి అఫీషియల్ రీమేకా లేదంటే లేదా సిమిలర్ స్టోరీ లైన్‌ తీసుకున్నారా అనేది తెలియాల్సి ఉంది. పంజాబీలో ‘ఆజా మెక్సికో చలియే’ అనే సినిమా గతేడాది వచ్చింది.
ఈ సినిమా కథకు, (Dunki) ‘డంకీ’కి దగ్గరి సంబంధం ఉందని అనిపిస్తోంది. అక్రమంగా సరిహద్దులు దాటి అమెరికాలో ప్రవేశించే వారు జైళ్లలో మగ్గుతున్న ఉదంతాలను ఉటంకిస్తూ ‘ఆజా మెక్సికో చలియే’ అనే సినిమా చేశారు. ఇప్పుడు ‘డంకీ’లోనూ అదే పాయింట్‌ కనిపిస్తోంది. మెక్సికో సరిహద్దులు దాటి అమెరికాలో అడుగుపెట్టే వారు ఉపయోగించే రోడ్‌ను డాంకీ రోడ్స్ అంటారట. సినిమా పేరుకు ఈ పేరు దగ్గరగా ఉండటం కూడా రీమేక్ పుకార్లకు కారణం. మరి ఇది రీమేకా? ఫ్రీమేకా అనేది చూడాలి.
‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!
‘సైందవ్’ తో పాటు టాలీవుడ్లో వచ్చిన ఫాదర్-డాటర్ సెంటిమెంట్ మూవీస్ లిస్ట్..!
ఆ హీరోయిన్స్ చేతిలో ఒక సినిమా కూడా లేదంట..!
Home