SSRMB vs SSMB29: ఎప్పుడూ చూడని, ఎక్కడా చూడని వార్‌ ఇది.. హీరో ఫ్యాన్స్‌ vs డైరక్టర్‌ ఫ్యాన్స్‌!

September 10, 2025 / 12:08 PM ISTByFilmy Focus Desk

Join Us

మహేష్‌ బాబు – రాజమౌళి లేదా రాజమౌళి – మహేష్‌బాబు కాంబినేషన్‌లో ఓ సినిమా తెరకెక్కుతోంది తెలుసు కదా? ఇదేంటి కాంబినేషన్‌ రెండు రకాలుగా రాశారేంటి అని అనుకుంటున్నారా? బయట సోషల్‌ మీడియాలో పరిస్థితి అలానే ఉంది మరి. ఎవరి పేరు ముందు చెబితే ఎవరి ఫ్యాన్స్‌ హర్ట్ అవుతారో తెలియని పరిస్థితి నెలకొంది. ఈ విషయం తెలియక ఆ సినిమా గురించి మాట్లాడుతూ వర్కింగ్‌ టైటిల్‌ చెప్పి ట్రోలింగ్‌ బారిన పడ్డాడు యువ కథానాయకుడు తేజ సజ్జా. ఆ బాధ ఉండకుండా ముందే రెండు రకాలుగా చెప్పాం అన్నమాట. అంతేకాదు ఇప్పుడు ఈ వార్త కూడా దాని గురించే.

SSRMB vs SSMB29

ప్రస్తుతం టాలీవుడ్‌ ఫ్యాన్స్‌ మధ్యలో జరుగుతున్న అతి పెద్ద చర్చ ఏదైనా ఉందా అంటే SSRMB vs SSMB29 అనే చెప్పాలి. నిజానికి ఈ రెండూ ఒక్కటే. కానీ ఇటు మహేష్‌ ఫ్యాన్స్‌, అటు రాజమౌళి ఫ్యాన్స్‌ మధ్యలో న్యూట్రల్‌ ఫ్యాన్స్‌ లేని పోని చర్చకు దారి తీసి ఈ సినిమా వర్కింగ్‌ టైటిల్‌ ఏది అనే కొలిమి రాజేస్తున్నారు. నిజానికి ఈ SSRMB vs SSMB29 చర్చ చాలా నెలలుగా సాగుతున్నా మొన్నీ మధ్య ‘మిరాయ్‌’ సినిమా ప్రచారంలో మ‌హేష్ – రాజ‌మౌళి సినిమా గురించి ప్ర‌స్తావిస్తూ తేజా స‌జ్జా.. ‘SSRMB’ అన్నాడు. దీంతోనే మొదలైంది అసలు రచ్చ.

ఎందుకంటే గత కొన్నేళ్లుగా వాళ్లు ఆ సినిమాను షార్ట్ క‌ట్‌లో #SSMB29 అనే పిలుస్తున్నారు. ఇప్పుడు తేజ అలా అనేసరికి నొచ్చుకున్నారు. ఇక రాజమౌళి ఫ్యాన్స్‌, ఆయన కుటుంబసభ్యులు మాత్రం సినిమాను #SSRMB అనే అంటున్నారు. దీంతో సినిమా పరిశ్రమ చరిత్రలో తొలిసారి ఓ సినిమా షార్ట్‌ నేమ్‌ కారణంగా పెద్ద ఎత్తున చర్చ, రచ్చ జరుగుతున్నాయి. ఈ విషయంలో క్లారిటీ రావాలంటే సినిమా టీమే ఓ పోస్టర్‌ రిలీజ్‌ చేసినప్పుడు హ్యాష్‌ట్యాగ్‌ ఇవ్వాలి. లేదంటే సినిమా టైటిల్‌ త్వరగా తేల్చేయాలి. లేదంటే లేనిపోని ఈ చర్చ జరుగుతూనే ఉంటుంది.