Gangs of Godavari Trailer Review: విశ్వక్ సేన్ ‘గ్యాంగ్స్ ఆఫ్ గోదావరి’ ట్రైలర్ వచ్చేసింది.. ఎలా ఉందంటే?

విశ్వక్ సేన్ (Vishwak Sen) హీరోగా తెరకెక్కిన ‘గ్యాంగ్స్ ఆఫ్ గోదావరి’ (Gangs of Godavari) చిత్రం మే 31న రిలీజ్ కాబోతోంది. కొంత గ్యాప్ తర్వాత కృష్ణ చైతన్య (Krishna Chaitanya) డైరెక్ట్ చేసిన మూవీ ఇది. ‘సితార ఎంటర్టైన్మెంట్స్’ సంస్థపై నాగవంశీ (Suryadevara Naga Vamsi) ఈ చిత్రాన్ని ఎంతో ప్రతిష్టాత్మకంగా నిర్మించారు. తాజాగా ఈ చిత్రం ట్రైలర్ ని హైదరాబాద్లోని దేవి 70 ఎం ఎం థియేటర్లో లాంచ్ చేశారు. ట్రైలర్ విషయానికి వస్తే.. ఇది 2 నిమిషాల 18 సెకన్ల నిడివి కలిగి ఉంది.

‘మనుషులు 3 రకాలురా.. ‘నాసి రకం బోసి రకం నాణ్యమైన రకం’ అంటూ గోపరాజు రమణ వాయిస్ ఓవర్లో ట్రైలర్ మొదలైంది. ఆ తర్వాత లంకల రత్నగా విశ్వక్ సేన్ పాత్రని పరిచయం చేశారు. అతను సామాన్యుడి నుండీ అసామాన్యుడిగా ఎలా ఎదిగాడు అనేది చూపించారు.అతని పాత్ర బూతులు తిడుతూ చాలా బోల్డ్ గా ఉంది. కాకపోతే విశ్వక్ సేన్ కి గోదావరి స్లాంగ్ సెట్ అవ్వలేదు. మరోపక్క నేహా శెట్టితో లవ్ ట్రాక్ ని చూపించారు.

అంజలితో (Anjali) విశ్వక్ సేన్ సీన్ చూస్తుంటే. ‘రంగస్థలం’ లో (Rangasthalam) రాంచరణ్ (Ram Charan) , అంజలి కాంబో సీన్స్ గుర్తుచేసేలా ఉంది. వయొలెన్స్ తో కూడిన యాక్షన్ సీన్స్ కూడా ఇందులో ఎక్కువగానే ఉంటాయని ట్రైలర్ క్లారిటీ ఇచ్చింది. చివర్లో ‘మనుషులు 3 రకాలురా ‘మగ’, ‘ఆడ’ ‘రాజకీయ నాయకులు’ అంటూ విశ్వక్ సేన్ చెప్పే డైలాగ్ కూడా ఆకట్టుకునే విధంగా ఉంది. ట్రైలర్ ని మీరు కూడా ఓ లుక్కేయండి :