అనుష్క నుండి కొంత గ్యాప్ తర్వాత వచ్చిన సినిమా ‘ఘాటి’. 2010 లో వచ్చిన ‘వేదం’ తర్వాత క్రిష్ జాగర్లమూడి దర్శకత్వంలో అనుష్క చేసిన సినిమా ఇది. తమిళ నటుడు విక్రమ్ ప్రభు ఈ చిత్రంతో టాలీవుడ్ కి డెబ్యూ ఇవ్వగా…. జగపతి బాబు, చైతన్య రావ్, జాన్ విజయ్, రవీంద్ర విజయ్ వంటి స్టార్స్ కూడా ముఖ్య పాత్రలు పోషించారు. అయితే సెప్టెంబర్ 5న రిలీజ్ అయిన ఈ సినిమా టీజర్,ట్రైలర్ రేంజ్లో లేకపోయినా పర్వాలేదు అనే టాక్ అయితే తెచ్చుకుంది.
కానీ బాక్సాఫీస్ వద్ద మాత్రం ‘ఘాటి’ కి టాక్ తగ్గ కలెక్షన్స్ అయితే రాలేదు. మొదటి వీకెండ్ ను క్యాష్ చేసుకోలేకపోయిన ఈ సినిమా మొదటి సోమవారం మరింత డౌన్ అయ్యింది.మంగళవారం మరింత డౌన్ అయ్యింది. ఒకసారి 5 డేస్ కలెక్షన్స్ ని గమనిస్తే :
| నైజాం | 1.05 cr |
| సీడెడ్ | 0.18 cr |
| ఆంధ్ర (టోటల్) | 0.81 cr |
| ఏపీ + తెలంగాణ (టోటల్) | 2.04 cr (షేర్) |
| రెస్ట్ ఆఫ్ ఇండియా | 0.20 cr |
| ఓవర్సీస్ | 0.31 cr |
| మిగిలిన వెర్షన్లు | 0.12 cr |
| వరల్డ్ వైడ్ టోటల్ | 2.67 cr (షేర్) |
‘ఘాటి’ చిత్రానికి వరల్డ్ వైడ్ గా రూ.25 కోట్ల థియేట్రికల్ బిజినెస్ జరిగింది. బ్రేక్ ఈవెన్ కోసం రూ.26 కోట్ల షేర్ ను రాబట్టాల్సి ఉంది. 5 రోజుల్లో ఈ సినిమా కేవలం రూ.2.67 కోట్ల షేర్ ను రాబట్టింది. గ్రాస్ పరంగా రూ.4.07 కోట్లు కలెక్ట్ చేసింది. బ్రేక్ ఈవెన్ కోసం మరో రూ.23.33 కోట్ల షేర్ ని కలెక్ట్ చేయాల్సి ఉంది.టాక్ పర్వాలేదు అనిపించే విధంగా వచ్చినప్పటికీ.. బాక్సాఫీస్ వద్ద ఈ సినిమా ఏమాత్రం ఇంపాక్ట్ చూపలేకపోయింది. మరో 2 రోజులైతే క్యాష్ చేసుకునే అవకాశం ఉంది. మరి సగం టార్గెట్ అయినా రీచ్ అవుతుందో లేదో చూడాలి.
