Nuvve Kavali: 25 ఏళ్ల ‘నువ్వే కావాలి’.. తరుణ్‌ – రిచా సినిమా గురించి ఈ 10 విషయాలు తెలుసా?

October 13, 2025 / 01:15 PM ISTByFilmy Focus Desk

Join Us

తెలుగు సినిమా ప్రేమకథల్లో ఒక్కో తరానికి ఒక్కో సినిమా వస్తుంటుంది. ఆ సినిమా ఎఫెక్ట్‌ చాలా ఏళ్లపాటు సినిమాల మీద ఉంటుంది. అలాంటి సినిమాల్లో ‘నువ్వే కావాలి’ ఒకటి. ఆ సినిమా గురించి ఎంత చెప్పినా, ఎన్నిసార్లు చెప్పినా తక్కువే. ఇప్పుడు మరోసారి ఆ సినిమా గురించి మాట్లాడే అవకాశం, అవసరం వచ్చింది. ఎందుకంటే ఈ రోజు ఆ సినిమాకు, తెలుగు సినిమాకు స్పెషల్ డే. ఈ రోజు ఆ సినిమా 25వ పుట్టిన రోజు మరి. తరుణ్‌ – రిచా ప్రధాన పాత్రల్లో రూపొందిన ఆ సినిమాను విజయ భాస్కర్‌ తెరకెక్కించారు. ఇక మాటల మాంత్రికుడు త్రివిక్రమ్‌ ఆ సినిమాకు రచయిత. దివంగత రామోజీరావు, స్రవంతి రవికిశోర్‌ సంయుక్తంగా నిర్మించారు.

Nuvve Kavali

* మలయాళ సినిమా ‘నిరమ్‌’ను స్ఫూర్తిగా తీసుకొని త్రివిక్రమ్‌, విజయ్‌భాస్కర్‌ ‘నువ్వే కావాలి’ కథను సిద్ధం చేశారు.
* సినిమాను తొలుత సాయికిరణ్‌తో చేయాలనుకున్నారు రవికిశోర్‌. కానీ ఆయన సెకండ్‌ హీరో అయితే బాగుంటారని వేరే హీరో కోసం వెతికారు.
* ఓ ప్రకటనలో తరుణ్‌తో కలసి నటించింది రిచా. ఆ కాంబినేషన్‌నే ‘నువ్వే కావాలి’కి ఎంపిక చేసింది చిత్ర బృందం.
* తరుణ్‌ కంటే ముందు హీరో పాత్ర సుమంత్‌ దగ్గరకు వచ్చిందట. ఆయన మరో సినిమాతో బిజీగా ఉండటంతో నటించలేదు.

interesting facts about nuvve kavali
* ఓ రోజు రోజారమణి ఇంటికి విజయ భాస్కర్‌ వెళ్లినప్పుడు తరుణ్‌ను చూశారు. వెంటనే ఆ సినిమాని తరుణ్‌తో చేద్దామని ఫిక్స్‌ అయ్యారు.
* సినిమాలో ఇంటర్వెల్‌కు ముందొచ్చే వర్షం సీక్వెన్స్‌ని.. రియల్‌ వానలో తెరకెక్కించారట. సుమారు నాలుగు గంటలపాటు వర్షంలో షూట్‌ చేశారట.* ‘ఎక్కడ ఉన్నా..’ పాట నిడివి దాదాపు ఆరు నిమిషాలు. అప్పట్లో పాట అంటే నాలుగైదు నిమిషాలే ఉండేదట. ‘ప్రేమిస్తున్నా’ అనే పదం లేకుండా సిరివెన్నెల రాసిన ప్రేమపాట అది.
* 22 ప్రింట్లతో విడుదలైన సినిమా కొద్దిరోజుల్లోనే 110 ప్రింట్స్‌కు చేరింది. వందో రోజున హైదరాబాద్ ఓడియన్ థియేటర్‌ కాంప్లెక్స్లోని 3 థియేటర్లలోనూ 4 షోలు ఈ సినిమానే ప్రదర్శించారు.

interesting facts about nuvve kavali
* ఉత్తమ ప్రాంతీయ భాషా చిత్రంగా జాతీయ అవార్డు అందుకుంది. దాంతోపాటు ఉత్తమ దర్శకుడిగా విజయ్ భాస్కర్, ఉత్తమ నటుడిగా తరుణ్, ఉత్తమ నటిగా రిచా, ఉత్తమ నేపథ్య గాయకుడిగా శ్రీరామ్ ప్రభుకి ఫిల్మ్ ఫేర్ సౌత్ అవార్డులు దక్కాయి.
* ఈ సినిమాను హిందీలో ఉషాకిరణ్‌ మూవీసే ‘తుజే మేరీ కసమ్’ పేరుతో రితేష్‌ దేశ్‌ముఖ్‌ – జెనీలియా జంటగా నిర్మించింది.