దిల్ రాజుకి (Dil Raju) అల్లు అర్జున్ (Allu Arjun) అంటే ఓ ప్రత్యేకమైన అభిమానం ఉంది. ఆ మాటకి వస్తే అల్లు అర్జున్ కి కూడా దిల్ రాజు అంటే చాలా ఇష్టం. వీరిద్దరూ స్టార్స్ అయ్యింది ‘ఆర్య’ (Aarya) సినిమాతో. అటు తర్వాత దిల్ రాజు, అల్లు అర్జున్ వరుస హిట్లతో దూసుకుపోయారు. తనకి ఏ కథ మంచిది అనిపించినా అల్లు అర్జున్ కి ఫస్ట్ వినిపించడం దిల్ రాజుకి అలవాటు. అయితే బన్నీ చేస్తాడు, లేదు అంటే ‘పలానా హీరోకి అయితే బాగుంటుంది’ అని సూచిస్తాడు, అదీ కాదు అంటే ఆ కథ వర్కౌట్ కాదు అని మొహమాటం లేకుండా చెబుతాడు అనేది దిల్ రాజు నమ్మకం.
వీరి బ్యానర్లో ‘పరుగు’ (Parugu) ‘ఎవడు’ (Yevadu) ‘డిజె – దువ్వాడ జగన్నాథం’ (Duvvada Jagannadham) వంటి సినిమాలు కూడా వచ్చిన సంగతి తెలిసిందే. ఇదిలా ఉంటే.. వీరి కాంబినేషన్లోనే ‘ఐకాన్’ అనే సినిమాని అనౌన్స్ చేశారు. వేణు శ్రీరామ్ (Venu Sriram) దీనికి దర్శకత్వం వహించాలి. ‘బన్నీకి (Allu Arjun) చాలా నచ్చిన కథ అది.. దాన్ని విడిచిపెట్టరు’ అని బన్నీ వాస్ (Bunny Vasu ) ఓ సందర్భంలో చెప్పుకొచ్చారు.
అలాగే ‘కచ్చితంగా అల్లు అర్జున్ తో ఐకాన్ చేస్తానని’ దిల్ రాజు కూడా చాలా సందర్భాల్లో చెప్పి.. తర్వాత ప్రతి ఏడాది వచ్చే అల్లు అర్జున్ పుట్టినరోజుకి బర్త్ డే విషెస్ చెబుతూ ఆ సినిమా పోస్టర్స్ వదిలేవారు. ‘పుష్ప’ (Pushpa) తర్వాత అల్లు అర్జున్ కానీ, దిల్ రాజు కానీ ఐకాన్ గురించి ప్రస్తావించలేదు. అయితే ఇప్పుడు ‘ఐకాన్’ అనే టైటిల్ ను అల్లు అర్జున్.. అట్లీతో చేస్తున్న సినిమాకు కావాలని దిల్ రాజుని అడిగాడట.
బదులుగా ‘ ‘ఆర్య 3′ టైటిల్ ను తీసుకోండి’ అంటూ దిల్ రాజుని అల్లు అరవింద్ (Allu Aravind) ద్వారా అడిగించినట్టు తెలుస్తుంది. అందుకే ఇటీవల ‘ఆర్య 3’ టైటిల్ ను ఆశిష్ రెడ్డి (Ashish Reddy) కోసం రిజిస్టర్ చేయించారు దిల్ రాజు. ‘పుష్ప’ తో అల్లు అర్జున్ కి ఐకాన్ స్టార్ అనే బిరుదు ఇచ్చాడు సుకుమార్ (Sukumar). ఇప్పుడు అట్లీతో (Atlee Kumar) చేస్తున్న పాన్ వరల్డ్ సినిమాకి ఆ టైటిల్ వాడటం.. కచ్చితంగా ఆ ప్రాజెక్టుకి మైలేజ్ ఇచ్చే అంశం అనే చెప్పాలి.
