Mahesh Babu, Rajamouli: రాజమౌళి – మహేష్.. ఆ బిజినెస్ మెన్ కూడా ఉన్నారా?

సూపర్ స్టార్ మహేష్ బాబు ఇటీవల ప్రముఖ పారిశ్రామికవేత్త అనిల్ కుమార్ చలమలశెట్టి పుట్టినరోజు వేడుకలలో పాల్గొన్నారు. ఈ వేడుక మాల్దీవుల్లో ఘనంగా నిర్వహించబడగా, టాలీవుడ్ నుంచి మహేష్ బాబు, చిరంజీవి (Chiranjeevi), నాగార్జున (Nagarjuna), వెంకటేశ్ (Venkatesh Daggubati), రామ్ చరణ్ (Ram Charan) , అఖిల్ (Akhil Akkineni) తదితర ప్రముఖులు పాల్గొన్నారు. వీరి ఫోటోలు, వీడియోలు సోషల్ మీడియాలో తెగ వైరల్ అవుతున్నాయి. మహేష్ కుటుంబంతో కలిసి ఈ పార్టీలో కనిపించడం, ఆయనను ప్రత్యేకంగా హైలైట్ చేసింది. ఈ వేడుకలో నిర్మాత కేఎల్ నారాయణ కూడా పాల్గొనడం ఆసక్తికరంగా మారింది.

Rajamouli

మహేష్ బాబు (Mahesh Babu) – ఎస్.ఎస్. రాజమౌళి  (S. S. Rajamouli)  కాంబినేషన్‌లో రూపొందబోయే SSMB 29 గురించి ఇప్పటికే భారీ అంచనాలు నెలకొన్నాయి. ఇండస్ట్రీలో అత్యంత ఖరీదైన సినిమాగా రూపొందుతున్న ఈ ప్రాజెక్ట్‌కు దాదాపు రూ. 1000 కోట్ల బడ్జెట్ కేటాయిస్తున్నారని సమాచారం. ఈ ప్రాజెక్ట్ కోసం అనిల్ చలమలశెట్టి పెట్టుబడులు పెట్టనున్నారనే వార్తలు తెరపైకి వచ్చాయి. RRR (RRR)  విజయం తర్వాత రాజమౌళి ఈ ప్రాజెక్ట్‌ను ఇంటర్నేషనల్ మూవీగా ప్లాన్ చేస్తున్నారు.

ప్రత్యేకించి ఆఫ్రికన్ అడవుల బ్యాక్‌డ్రాప్‌లో యాక్షన్ అడ్వెంచర్‌గా ఈ సినిమా రూపొందనుంది. రాజమౌళి టీమ్ ఇప్పటికే కథపై రెండు సంవత్సరాల పాటు వర్క్ చేసి, ప్రీప్రొడక్షన్ పనులను శరవేగంగా పూర్తి చేస్తోంది. భారీ బడ్జెట్ ప్రాజెక్ట్ అయినందున, చలమలశెట్టి వంటి పారిశ్రామికవేత్తల మద్దతు అవసరమని సినీ వర్గాలు భావిస్తున్నాయి. ఈ వార్తలకు బలం చేకూర్చేలా మాల్దీవు పార్టీలో నిర్మాత నారాయణతో పాటు అనిల్ కూడా పాల్గొనడం జరిగింది.

భారీ బడ్జెట్ అవసరాలను తీర్చడానికి అనిల్ చలమలశెట్టి ఫైనాన్సింగ్ చేస్తారని ప్రచారం జరుగుతోంది. అయితే దీనిపై అధికారిక ప్రకటన ఇంకా రావాల్సి ఉంది. అయితే, ఈ హై బడ్జెట్ ప్రాజెక్ట్ కోసం దేశీయ, అంతర్జాతీయ మార్కెట్లలో విస్తృత వ్యాపారం జరిగే అవకాశాలున్నాయి.