టాలీవుడ్ ప్రేక్షకులు ఈ ఏడాది ఎంతో ఆసక్తిగా ఎదురుచూస్తున్న సినిమాలలో బాలకృష్ణ బోయపాటి శ్రీను కాంబినేషన్ లో తెరకెక్కుతున్న అఖండ ఒకటనే సంగతి తెలిసిందే. సింహా, లెజెండ్ సినిమాలు బాలయ్య సినీ కెరీర్ లో బిగ్గెస్ట్ హిట్స్ గా నిలవగా ఈతరం దర్శకుల్లో బోయపాటి శ్రీను మాత్రమే బాలయ్యకు సూటయ్యే కథలను తెరకెక్కిస్తున్నారని ప్రేక్షకులు భావిస్తున్నారు. అయితే అఖండ మూవీ స్టోరీ లైన్ ఇదేనంటూ ఒక వార్త ఇండస్ట్రీ వర్గాల్లో వినిపిస్తోంది.
అఖండ కథలో కొత్తదనం లేకపోయినా కథనం మాత్రం కొత్తగా ఉంటుందని వైరల్ అవుతున్న వార్తల సారాంశం. విలన్ తమ్ముడిని హీరో చంపడంతో ఈ సినిమా కథ మొదలవుతుందని అజ్ఞాతంలోకి వెళ్లిన హీరో బయటకు రావడం సినిమాలో ట్విస్ట్ గా ఉండనుందని సమాచారం. బాలకృష్ణ ఈ సినిమాలో డ్యూయల్ రోల్ లో నటిస్తున్నారని తెలుస్తోంది. సినిమాలో 20 నిమిషాల పాటు జరిగే యాక్షన్ సన్నివేశం ఉంటుందని ఆ సీన్ మూవీకి హైలెట్ కానుందని సమాచారం.
బాలయ్య 20 నిమిషాల ఫైట్ సీన్ లో అఘోరా పాత్రలో కనిపిస్తారని తెలుస్తోంది. ఈ సినిమాకు సంబంధించి వైరల్ అవుతున్న వార్తల్లో నిజానిజాలు తెలియాలంటే సినిమా రిలీజయ్యే వరకు ఆగాల్సిందే. అఖండ మూవీ బాలయ్య సినీ కెరీర్ లోనే బిగ్గెస్ట్ బ్లాక్ బస్టర్ హిట్ అవుతుందని ఫ్యాన్స్ భావిస్తున్నారు. బోయపాటి శ్రీను ఏడాది పాటు కష్టపడి ఈ సినిమా స్క్రిప్ట్ ను సిద్ధం చేశారు. వినయ విధేయ రామ ఫ్లాప్ కావడంతో ఈ సినిమాతో సక్సెస్ సాధించాలని బోయపాటి శ్రీను భావిస్తున్నారు.
Most Recommended Video
బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?
