విజయ్ దేవరకొండ (Vijay Devarakonda) దాదాపు 7 ఏళ్ళ నుండి సరైన హిట్టు లేక అల్లాడుతున్నాడు. ‘టాక్సీవాలా’ (Taxiwaala) తర్వాత అతనికి ఒక్క హిట్టు కూడా పడలేదు. కానీ విజయ్ దేవరకొండ (Suryadevara Naga Vamsi) సినిమా వస్తుంది అంటే ఆడియన్స్ లో ఉండే ఎక్సయిట్మెంట్ వేరు. ట్రేడ్ పండితులు కూడా ఆ సినిమాని ప్రత్యేకంగా చూస్తారు. టాక్ తో సంబంధం లేకుండా విజయ్ దేవరకొండ సినిమాలకి అడ్వాన్స్ బుకింగ్స్ జరుగుతాయి. కరెక్ట్ గా ఒక్క సినిమా పడితే చాలు విజయ్ టైర్ 1 హీరోల లిస్టులో చేరిపోయే చరిష్మా ఉన్నవాడే.
అది ‘కింగ్డమ్’ (Kingdom) సినిమా అవుతుందనేది చాలా మంది నమ్మకం. నాగవంశీ నిర్మిస్తున్న ఈ చిత్రానికి గౌతమ్ తిన్ననూరి (Gowtam Tinnanuri) దర్శకుడు అనే సంగతి తెలిసిందే. ఇదిలా ఉండగా.. ‘కింగ్డమ్’ సినిమా ఇప్పటికే 2 సార్లు వాయిదా పడింది. ముందుగా ఈ సినిమాను మార్చి 28న విడుదల చేస్తున్నట్టు ప్రకటించారు. కానీ సకాలంలో షూటింగ్ కంప్లీట్ అవ్వక.. వాయిదా వేశారు.
అటు తర్వాత.. మే 30 కి ఫిక్స్ అన్నారు. కానీ ఆ డేట్ కి కూడా ‘కింగ్డమ్’ రాలేదు. ఈసారి కూడా సేమ్ రీజన్. షూటింగ్ కంప్లీట్ అవ్వలేదు అని చెప్పి జూలై 4కి వాయిదా వేశారు. ఇప్పుడు ఆ డేట్ కి అయినా వస్తుందా అంటే.. ఈసారి కూడా డౌట్ అనే టాక్ వినిపిస్తుంది. ఎందుకంటే రషస్ చూసుకున్న తర్వాత మళ్ళీ రీ- షూట్స్ అవసరం అని చెప్పి..
టీం గోవాలో మళ్ళీ కొంత చిత్రీకరణ నిర్వహిస్తుందట. అది కంప్లీట్ అవ్వడానికి టైం పట్టే ఛాన్స్ ఉందని అంటున్నారు. కానీ గోవాలో జరుగుతున్నది ‘రీ షూట్స్ కాదు చిన్న ప్యాచ్ వర్క్’ అంటున్నారు. వచ్చే వారం అంటే జూన్ 2వ వారం నుండి ప్రమోషన్స్ కి విజయ్ హాజరవుతారు అని అతని టీం చెబుతుంది.
Home