Yash: హిందీ నేర్చుకుంటున్న యశ్‌… ఎందుకో?

April 4, 2022 / 06:23 PM ISTByFilmy Focus

Join Us

Yash: హిందీ నేర్చుకుంటున్న యశ్‌… ఎందుకో?

పాన్‌ ఇండియా సినిమా చేయడం, హిట్‌ కొట్టడం, ఆ తర్వాత స్ట్రయిట్‌ బాలీవుడ్‌ సినిమా చేసేయడం… కొత్తగా సౌత్‌ స్టార్‌ హీరోలు ఈ ప్రాసెస్‌ను ఫాలో అవుతున్నారా? కొంతమంది హీరోలను చూస్తుంటే అవుననే అనిపిస్తోంది. ‘బాహుబలి’ లాంటి పాన్‌ ఇండియా సినిమా చేసి, ఆ తర్వాత అలాంటివి మరో రెండు సినిమాలు చేసి ఇప్పుడు హిందీ స్ట్రయిట్‌ మూవీ చేస్తున్నాడు ప్రభాస్‌. త్వరలో కన్నడ స్టార్‌ యశ్‌ కూడా ఇదే పని చేయబోతున్నాడని అంటున్నారు. దానికి కారణం ఆయన హిందీ నేర్చుకుంటుండమే.

Click Here To Watch NOW

‘కేజీయఫ్‌: చాప్టర్‌ 2’ కోసం దేశవ్యాప్తంగా ఇంకా చెప్పాలంటే ప్రపంచవ్యాప్తంగా చాలామంది భారతీయ సినిమా అభిమానులు వెయిట్‌ చేస్తున్నారు. యశ్‌ కథానాయకుడిగా ప్రశాంత్‌ నీల్‌ తెరకెక్కించిన సినిమా ఇది. ఈ సినిమాను ఏప్రిల్‌ 14న ప్రేక్షకుల ముందుకు తీసుకురానున్నారు. ఈ క్రమంలో చిత్రబృందం ప్రచార కార్యక్రమాల్ని ముమ్మరం చేసింది. అందులో భాగంగా డిల్లీలో విలేకరుల సమావేశం నిర్వహించారు. అందులో యశ్‌ మాట్లాడుతూ ప్రస్తుతం హిందీ నేర్చుకుంటున్నట్లు చెప్పాడు. దీంతో యశ్‌ త్వరలో స్ట్రయిట్‌ హిందీ సినిమాలో నటిస్తాడని వార్తలు మొదలైపోయాయి.

నేరుగా హిందీ సినిమా చేసే అవకాశం ఉందా? అన్న ప్రశ్నకు సమాధానం ఇస్తూ ప్రతి ఇండస్ట్రీని సమదృష్టితో చూస్తానని అని చెప్పాడు. గతంతో పోలిస్తే సినిమా పరిశ్రమ చాలా మారిపోయిందని, ప్రజలు అభిమానిస్తేనే ఎవరైనా సూపర్‌స్టార్‌ అవుతారని యశ్‌ అన్నాడు. దాంతోపాటు ‘కేజీయఫ్‌’నా జీవితంలో అతిపెద్ద సినిమా అని అన్నారు. తెలుగు స్టార్‌ హీరోలు రామ్‌చరణ్‌, తారక్‌, అల్లు అర్జున్‌ కూడా బాలీవుడ్‌ స్ట్రయిట్‌ సినిమా చేయాలని అనుకుంటున్నారు.

ఇప్పటికే రామ్‌చరణ్‌ చేసినా… అది మరచిపోవాల్సిన విషయం. తారక్‌కి రాజ్‌ కుమార్‌ హిరాణీతో సినిమా చేయాలని ఉందట. ఈ మధ్యే ఈ విషయం చెప్పాడు. ఇక బన్నీ అయితే సంజయ్‌ లీలా భన్సాలీతో మీటింగ్‌లో కూడా కూర్చున్నాడని టాక్‌. కొత్త సినిమా కోసమే ఆ మీట్‌ అని చెప్పారు. సో నెక్స్ట్‌ సౌత్‌ టు బాలీవుడ్‌ హీరో యశ్‌ అవ్వొచ్చు అని టాక్‌ నడుస్తోంది.