Guntur Kaaram: అక్కడ కూడా గుంటూరు కారం సాంగ్ హవా.. ఇప్పట్లో జోరు తగ్గదంటూ?

గుంటూరు కారం సినిమాలోని కుర్చీ మడతబెట్టి సాంగ్ ఏ రేంజ్ లో హిట్టైందో ప్రత్యేకంగా చెప్పాల్సిన అవసరం లేదు. మ్యూజిక్ డైరెక్టర్ థమన్ కెరీర్ లోని బెస్ట్ సాంగ్స్ లో ఈ సాంగ్ కూడా ఒకటిగా నిలిచింది. యూట్యూబ్ లో ఈ సాంగ్ లిరికల్ వీడియోకు 103 మిలియన్ల వ్యూస్ రాగా వీడియో సాంగ్ కు 67 మిలియన్ల వ్యూస్ వచ్చాయి. ఈ సాంగ్ కు సంబంధించిన రీల్స్ నెట్టింట తెగ వైరల్ అయ్యాయి.

అయితే కుర్చీ మడతపెట్టి పాటకు జపాన్ కు చెందిన ఒక జోడీ సైతం అదిరిపోయే స్టెప్పులు వేశారు. సినిమాలో మహేష్ బాబు, శ్రీలీల ఎలాంటి స్టెప్పులు వేశారో అదే విధంగా స్టెప్పులు వేసి ఈ జోడీ ఆకట్టుకున్నారు. జపాన్ లో కూడా గుంటూరు కారం మూవీ సాంగ్ కు ఊహించని స్థాయిలో క్రేజ్ ఉండటంతో మహేష్ బాబు ఫ్యాన్స్ ఎంతగానో సంతోషిస్తున్నారు. మహేష్ ఆర్మీ ఇన్ స్టాగ్రామ్ లో ఈ వీడియోను షేర్ చేశారు.

ఈ వీడియోకు రికార్డ్ స్థాయిలో వ్యూస్ వస్తున్నాయి. జపాన్ జంట స్టెప్పులతో అదరగొట్టారని నెటిజన్లు కామెంట్లు చేస్తున్నారు. టాలీవుడ్ సాంగ్ ప్రపంచవ్యాప్తంగా పాపులారిటీని సంపాదించుకోవడం ఫ్యాన్స్ కు ఎంతగానో సంతోషాన్ని కలిగిస్తోంది. మహేష్, శ్రీలీల డ్యాన్స్ స్టెప్పులను ఈ జపాన్ జోడీ రీక్రియేట్ చేయడం గమనార్హం. జపాన్ జంట వేసిన ఈ సాంగ్ ప్రేక్షకులను ఎంతగానో ఆకట్టుకుంటోంది.

గుంటూరు కారం (Guntur Kaaram) మూవీ ఓటీటీలో సైతం అదరగొడుతోంది. నెట్ ఫ్లిక్స్ కు ఈ సినిమా ఊహించని స్థాయిలో లాబాలను అందిస్తోందని సమాచారం అందుతోంది. మహేష్ అతి త్వరలో రాజమౌళి మూవీ షూటింగ్ తో బిజీ కానున్నారని ఇండస్ట్రీ వర్గాల్లో వినిపిస్తోంది. రాజమౌళి త్వరలో ప్రెస్ మీట్ పెట్టి టైటిల్, స్టోరీ లైన్ రివీల్ చేయనున్నారని భోగట్టా. మహేష్ జక్కన్న మూవీపై అంచనాలు అంతకంతకూ పెరుగుతున్నాయి.

 

View this post on Instagram

 

A post shared by mahesh babu (@urstrulymahesharmy_)

ఈ వీకెండ్ కి ఓటీటీలో సందడి చేయబోతున్న 18 సినిమాలు/ సిరీస్..ల లిస్ట్.!

యూట్యూబ్లో వందల కొద్దీ మిలియన్ల వ్యూస్ నమోదు చేసిన పాటల లిస్ట్
ఆ విషయంలో నేను బాధ పడలేదు.. ఉపాసన కామెంట్స్ వైరల్!