ఎన్టీఆర్ వార్ 2 .. ఎంతవరకు వచ్చిందంటే?

December 22, 2024 / 11:12 PM ISTByFilmy Focus Desk

Join Us

హృతిక్ రోషన్ (Hrithik Roshan) , జూనియర్ ఎన్టీఆర్ (Jr NTR) కాంబినేషన్ లో తెరకెక్కుతున్న భారీ యాక్షన్ చిత్రం వార్ 2 ప్రస్తుతం ఇండస్ట్రీలో హాట్ టాపిక్ గా మారింది. ఆయాన్ ముఖర్జీ దర్శకత్వం వహిస్తున్న ఈ సినిమాకు సంబంధించి ఇప్పటికే కీలక షెడ్యూల్స్ పూర్తయ్యాయి. దుబాయ్, మలేషియా వంటి విదేశీ లొకేషన్లతో పాటు, ఇండియాలో కూడా వేరొక రెండు షెడ్యూల్స్ ముగిసాయి. ఇటీవల, ముంబైలో నిర్వహించిన షెడ్యూల్‌లో తారక్ సోలో ఎపిసోడ్స్ తో పాటు, హృతిక్ రోషన్‌తో కలిసి కొన్ని ముఖ్యమైన సన్నివేశాలను చిత్రీకరించారు.

War 2

ఈ షెడ్యూల్ ముగిసిన వెంటనే తారక్ హైదరాబాదుకు తిరిగి వచ్చినట్లు సమాచారం. అయితే తారక్ ఈ ప్రాజెక్ట్ ను త్వరగా పూర్తి చేయాలని భావిస్తున్నారు. జనవరి చివరి నాటికి తన భాగం షూటింగ్ మొత్తాన్ని ముగించాలని, మేకర్స్ ను ప్రెషర్ చేస్తున్నట్లు సమాచారం. ఎందుకంటే, తారక్ తన తర్వాతి ప్రాజెక్ట్ ప్రశాంత్ నీల్ (Prashanth Neel) దర్శకత్వంలో రూపొందనున్న భారీ యాక్షన్ డ్రామాకు ఫిబ్రవరి మొదటివారంలో కేటాయించాలని ప్లాన్ చేస్తున్నారు.

మరిన్ని సినిమా వార్తలు.

తారక్ డేట్ల సమస్య వల్లే ప్రశాంత్ నీల్ సినిమా షెడ్యూల్ ఫిబ్రవరి వరకు వాయిదా పడినట్లు టాక్. దీంతో తారక్, వార్ 2 (War 2) షూటింగ్ త్వరగా పూర్తి చేసేందుకు ఒత్తిడి తెస్తున్నట్లు తెలుస్తోంది. మరోవైపు వార్ 2 మేకర్స్ ఈ ప్రాజెక్ట్ ను 2024 ఆగస్టు నాటికి థియేటర్లలోకి తీసుకురావాలని టార్గెట్ చేశారు. దీని కోసం జూన్ లేదా జూలై నాటికి నిర్మాణ పనులు పూర్తవ్వాలి. తారక్ ప్రమోషన్స్ కోసం కూడా ఆగస్టులో కొంత సమయం కేటాయించాల్సి ఉంటుంది.

దీంతో రెండు సినిమాల మధ్య సమన్వయం కష్టతరంగా మారింది. తారక్ ఏకకాలంలో రెండు భారీ ప్రాజెక్టులకు సమయం కేటాయించడం వల్ల తన ఫిజికల్ టోలరెన్స్ పై కూడా ప్రభావం పడవచ్చని ఇండస్ట్రీలో చర్చ నడుస్తోంది. వార్ 2 యాక్షన్ సన్నివేశాలు, బలమైన స్క్రిప్ట్ తారక్ క్యారెక్టర్ కు భారీ ఎలివేషన్ ఇస్తాయని మేకర్స్ చెబుతున్నారు. రాబోయే నెలల్లో ఈ ప్రాజెక్ట్ పనులు ఎలా ముందుకెళ్తాయో చూడాలి.