Devara Fear Song: ఫస్ట్ సింగిల్ తో అదరగొట్టిన అనిరుధ్.. గూస్ బంప్స్ అంటూ?

యంగ్ టైగర్ జూనియర్ ఎన్టీఆర్ కొరటాల శివ కాంబినేషన్ లో తెరకెక్కుతున్న దేవర సినిమా నుంచి ఫస్ట్ సింగిల్ తాజాగా విడుదలైంది. జూనియర్ ఎన్టీఆర్ పుట్టినరోజు కానుకగా ఈ ఫస్ట్ సింగిల్ రిలీజ్ కాగా ఈ పాట వింటే గూస్ బంప్స్ వస్తున్నాయని ఫ్యాన్స్ చెబుతున్నారు. ఈ సాంగ్ అటు ఎన్టీఆర్ కెరీర్ లో ఇటు అనిరుధ్ కెరీర్ లో బెస్ట్ సాంగ్ గా నిలుస్తుందని ఫ్యాన్స్ నుంచి కామెంట్లు వ్యక్తమవుతున్నాయి

ఈ సాంగ్ కు యూట్యూబ్ లో రికార్డ్ స్థాయిలో వ్యూస్ వస్తుండగా ఈ సాంగ్ హాలీవుడ్ స్థాయిలో ఉందని నెటిజన్లు అభిప్రాయపడుతున్నారు. 3 నిమిషాల 16 సెకన్ల నిడివితో ఈ సాంగ్ రిలీజ్ కాగా ఎన్టీఆర్ రెగ్యులర్ సినిమాల సాంగ్స్ కు భిన్నంగా ఈ సాంగ్ ఉండటం గమనార్హం. పాన్ ఇండియా స్థాయిలో ఈ సాంగ్ ఫ్యాన్స్ ను, ఇతర భాషల అభిమానులను మెప్పించడం ఖాయమని మ్యూజిక్ లవర్స్ చెబుతున్నారు.

అగ్గంటుకుంది సంద్రం అంటూ లిరిక్స్ తో సాగే ఈ సాంగ్ అటు మాస్ ప్రేక్షకులతో పాటు ఇటు క్లాస్ ప్రేక్షకులను సైతం ఆకట్టుకుంటోంది. ఈ జనరేషన్ యూత్ ను టార్గెట్ చేసుకుని అనిరుధ్ ఈ సాంగ్ కు మ్యూజిక్ ఇచ్చారని కామెంట్లు వ్యక్తమవుతున్నాయి. కొన్నిచోట్ల లిరిక్స్ ను మ్యూజిక్ డామినేట్ చేసిందనే ఫీల్ వస్తున్నా ఓవరాల్ గా సాంగ్ మాత్రం ఎన్టీఆర్ ఫ్యాన్స్ అంచనాలను మించి ఉంది.

దేవర సినిమా దసరా పండుగ కానుకగా రిలీజ్ కానుండగా త్వరలో ఈ సినిమా నుంచి సెకండ్ సింగిల్ గా రొమాంటిక్ సాంగ్ రిలీజ్ కానుందని సమాచారం అందుతోంది. తారక్ పుట్టినరోజు సందర్భంగా తారక్ భవిష్యత్తు ప్రాజెక్ట్స్ నుంచి ఎలాంటి అప్ డేట్స్ వస్తాయో చూడాలి. ఎన్టీఆర్ ఫ్యాన్స్ కు మాత్రం ఈ బర్త్ డే మెమరబుల్ అప్ డేట్స్ తో స్పెషల్ గా ఉండబోతుందని ఇండస్ట్రీ వర్గాల్లో వినిపిస్తోంది.