టాలీవుడ్ ఇండస్ట్రీలో ఊహించని స్థాయిలో మాస్ ఫ్యాన్స్ లో ఫాలోయింగ్ కలిగి ఉన్న హీరోగా తారక్ కు (Jr NTR) గుర్తింపు ఉంది. 20 ఏళ్ల వయస్సులోనే బాక్సాఫీస్ వద్ద బ్లాక్ బస్టర్ హిట్లను అందుకున్న తారక్ 40 సంవత్సరాల వయస్సులో సైతం ఫ్యాన్స్ కాలర్ ఎగరేసుకునే సినిమాలలో నటిస్తూ సినిమా సినిమాకు తన మార్కెట్ ను పెంచుకుంటున్నారు. తాజాగా తారక్ వార్2 షూట్ లో జాయిన్ కాగా ఈ సినిమాలో తారక్ ఏజెంట్ గా కనిపిస్తున్నారు.
తారక్ కెరీర్ పరంగా ఎంత బిజీగా ఉన్నా సిద్ధు జొన్నలగడ్డ (Siddu Jonnalagadda), విశ్వక్ సేన్ (Vishwak Sen) మరి కొందరు హీరోల ఈవెంట్లకు హాజరవుతూ ఆ హీరోలు కెరీర్ పరంగా ఎదిగి మరిన్ని విజయాలు అందుకోవడంలో తన వంతు సహాయసహకారాలు అందిస్తున్నారు. ఈ విషయంలో తారక్ గ్రేట్ అని అభిమానులు చెబుతున్నారు. ఈ విషయంలో యంగ్ టైగర్ జూనియర్ ఎన్టీఆర్ ఎంతోమందికి స్పూర్తిగా నిలుస్తున్నారని కామెంట్లు వ్యక్తమవుతున్నాయి.
టిల్లూ స్క్వేర్ (Tillu Square) సక్సెస్ మీట్ కు తారక్ హాజరైన తర్వాత ఈ సినిమా కలెక్షన్లు మరింత పెరిగాయి. 12 రోజుల్లో ఈ సినిమాకు ఏకంగా 55.47 కోట్ల రూపాయల షేర్ కలెక్షన్లు వచ్చాయి. ఫుల్ రన్ లో ఈ సినిమా 60 కోట్ల రూపాయల షేర్ కలెక్షన్ల మార్క్ ను క్రాస్ చేసే ఛాన్స్ అయితే ఉంది. టిల్లూ స్క్వేర్ ఈవెంట్ లో తారక్ చేసిన హంగామా అంతా ఇంతా కాదు. దేవర (Devara) మూవీకి సంబంధించిన అప్ డేట్ కూడా తారక్ ఇవ్వడం గమనార్హం.
దేవర సినిమా థియేట్రికల్, నాన్ థియేట్రికల్ హక్కుల ద్వారా రిలీజ్ కు ముందే 80 నుంచి 100 కోట్ల రూపాయల రేంజ్ లో లాభాలు వచ్చాయని ఇండస్ట్రీ వర్గాల్లో వినిపిస్తోంది. దేవర1 మూవీని షాకింగ్ ట్విస్ట్ తో ముగించనున్నారని రెండు పాత్రల్లో తారక్ యాక్టింగ్ నెక్స్ట్ లెవెల్ లో ఉంటుందని సమాచారం అందుతోంది. ఎన్టీఆర్ కథ అద్భుతంగా ఉంటే మల్టీస్టారర్ సినిమాల్లో సైతం నటిస్తున్నారు.
