యంగ్ టైగర్ ఎన్టీఆర్ కెరీర్ విషయంలో ఆచితూచి అడుగులేస్తున్నారు. ఆర్ఆర్ఆర్ మూవీతో ఇండస్ట్రీ హిట్ ను ఖాతాలో వేసుకుంటానని భావిస్తున్న యంగ్ టైగర్ ఎన్టీఆర్ కొరటాల శివ, ప్రశాంత్ నీల్ డైరెక్షన్ లో తరువాత సినిమాలలో నటించనున్నారు. ఫిబ్రవరి నుంచి ఎన్టీఆర్ కొరటాల శివ కాంబో మూవీ షూటింగ్ మొదలుకానుండగా జాన్వీ కపూర్ ఈ సినిమాలో హీరోయిన్ గా నటించనున్నారని ప్రచారం జరుగుతోంది. తాజాగా ఒక ఆంగ్ల మ్యాగజైన్ కు ఇచ్చిన ఇంటర్వ్యూలో జూనియర్ ఎన్టీఆర్ మాట్లాడుతూ ప్రశాంత్ నీల్ డైరెక్షన్ లో తెరకెక్కే సినిమా యాక్షన్ ఎంటర్టైనర్ గా కేజీఎఎఫ్ ను మించి భారీ యాక్షన్ సీన్లతో తెరకెక్కనుందని వెల్లడించారు.
మైత్రీ మూవీ మేకర్స్ బ్యానర్ పై భారీ బడ్జెట్ తో పాన్ ఇండియా సినిమాగా ఈ సినిమా తెరకెక్కనుందని తెలుస్తోంది. ఈ సినిమా కోసం ప్రశాంత్ నీల్, తారక్ భారీ మొత్తంలో పారితోషికం తీసుకోనున్నారని తెలుస్తోంది. సలార్ సినిమా పూర్తైన తర్వాత ప్రశాంత్ నీల్ తారక్ సినిమా పనులను మొదలుపెట్టనున్నారు. 2023 సంవత్సరంలో ఈ సినిమా రిలీజ్ కానుంది. ప్రస్తుతం తారక్ ఫ్యామిలీతో విదేశాల్లో ఉన్నారు. జనవరి నెలాఖరు వరకు తారక్ షూటింగ్ లలో పాల్గొనకుండా రెస్ట్ తీసుకుంటారని బోగట్టా.
అయితే ఆర్ఆర్ఆర్ ప్రమోషన్స్ లో మాత్రం పాల్గొంటూ సినిమాపై అంచనాలను మరింత పెంచాలని తారక్ భావిస్తున్నారు. ఆర్ఆర్ఆర్ నుంచి ఈ నెల 26వ తేదీన జనని సాంగ్ రిలీజ్ కానుంది. దాదాపుగా 550 కోట్ల రూపాయల భారీ బడ్జెట్ తో ఈ సినిమా తెరకెక్కుతోంది.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
Home