Kalyan Ram, Hari Krishna: హరికృష్ణ మరణం పై మొదటిసారి స్పందించిన కళ్యాణ్ రామ్..!

దివంగత నటుడు నందమూరి తారక రామారావు గారికి మూడో సంతానంగా జన్మించారు హరికృష్ణ. ఆయన తండ్రికి రైట్ హ్యాండ్ అన్నట్టు ఉండేవారు. కెరీర్ ప్రారంభంలో పలు చిత్రాల్లో నటించినప్పటికీ నటుడిగా నిలదొక్కుకోలేకపోయారు హరికృష్ణ. అయితే 53 ఏళ్ల వయసులో.. నటుడిగా ఫేడౌట్ అయిపోయాక.. మళ్ళీ హీరోగా నటించి హిట్లు కొట్టిన ఘనత మాత్రం ఈయనకే చెల్లుతుంది. ‘లాహిరి లాహిరి లాహిరిలో’ ‘సీతయ్య’ వంటి హిట్ చిత్రాల్లో ఆయన నటించారు.

ఆ సినిమాలు అసాధారణ విజయాన్ని నమోదు చేశాయి. దీంతో ఆయన సినిమాలకు డిమాండ్ కూడా పెరిగింది. కానీ తర్వాత ఆయన ఎక్కువ సినిమాల్లో నటించలేదు.ఇదిలా ఉండగా.. ఎవ్వరూ ఊహించని విధంగా హరికృష్ణ గారు ఆగస్టు 29న రోడ్డు ప్రమాదంలో మరణించారు. ఆయన మరణం గురించి మొదటిసారి కళ్యాణ్ రామ్ స్పందించారు. కళ్యాణ్ రామ్ ‘బింబిసార’ మూవీ చారిత్రాత్మక అంశంతో ముడి పడి ఉన్న ట్రావెల్ మూవీ అన్న సంగతి తెలిసిందే. ఈ చిత్రం ప్రమోషన్లలో భాగంగా నేపధ్య సంగీతం అందించిన కీరవాణికి.. యాంకర్ సుమ నుండి ‘టైం ట్రావెల్ చేయాల్సి వస్తే.. ఏ రోజుకి వెళ్లి దేనిని ఆపాలి లేదా మార్చాలి అనుకుంటున్నారు?’ అనే ప్రశ్న ఎదురైంది.

అందుకు కీరవాణి.. ‘నేను 2018 ఆగస్టుకి వెళ్లి హరికృష్ణ గారిని మ్యూజిక్ సిట్టింగ్స్ కి పిలుస్తాను. ‘ఓ రెండు రోజులు నాతోనే ఉండండి’ అని అడుగుతాను.ఆయనకు నేను కంపోజ్ చేసిన ట్యూన్స్ వినడం చాలా ఇష్టం. అప్పుడు ఆయన 29 వ తేదీన జర్నీ చేయరు’ అంటూ చెప్పుకొచ్చారు కీరవాణి. ఆ రకంగా కీరవాణి .. హరికృష్ణ గారి మరణాన్ని ఆపుతాను అన్నట్టు చెప్పుకొచ్చారు. తర్వాత కళ్యాణ్ రామ్.. “నాన్న గారు చనిపోయినప్పుడు నేను ఇంట్లోనే ఉన్నాను. ఉదయం 5 గంటలకు లేచి బాల్కనీలో కూర్చుని టీ తాగుతున్నాను.

ఆ టైంలో నాకు శివాజీ అనే వ్యక్తి నుండి కాల్ వచ్చింది. ఆయన నాన్న గారితో ట్రావెల్ చేస్తున్నారు. ఆ రోజు అతను నాకు ఫోన్ చేసి ఏడుస్తూ ఏదో చెప్పబోతున్నాడు. నేను కంగారు పడి ‘ఏం శివాజీ.. ఏమైంది అని అడుగుతున్నాను’ కాల్ కట్ అయిపోయింది. ఇది ఒక సైడ్ జరిగింది.అదే రోజున మా మావయ్య గారి ఫ్యాక్టరీ నుండి ఓ ఎంప్లాయ్ విజయవాడకు వెళ్తున్నారు. ఆయన ఫోన్ చేసి ఫొటోస్ పెట్టారు. అప్పుడు నేను రియాలిటీకి రావడం.. ఆ విషయం అర్థం కావడం జరిగింది” అంటూ కళ్యాణ్ రామ్ అసలు విషయాన్ని చెప్పుకొచ్చాడు.

రామారావు ఆన్ డ్యూటీ సినిమా రివ్యూ & రేటింగ్!

Most Recommended Video

అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?