ఈ ఏడాది వెండితెరపై సంచలనాలు సృష్టించిన సినిమాలలో కేజీఎఫ్2 సినిమా ఒకటనే సంగతి తెలిసిందే. కేజీఎఫ్ ఛాప్టర్1 కు కొనసాగింపుగా తెరకెక్కిన కేజీఎఫ్ ఛాప్టర్2 ప్రేక్షకులను ఎంతగానో ఆకట్టుకుంది. 1200 కోట్ల రూపాయలకు పైగా గ్రాస్ కలెక్షన్లను సొంతం చేసుకుని 2022 బిగ్గెస్ట్ బ్లాక్ బస్టర్ హిట్లలో ఒకటిగా నిలిచింది. ఈ సినిమా చూసిన కొంతమంది యశ్ కు అభిమానులుగా మారిపోతే మరి కొందరు ప్రశాంత్ నీల్ కు వీరాభిమానులు అయ్యారు.
ఈ సినిమాలోని కొన్ని సన్నివేశాలు ప్రేక్షకులకు గూస్ బంప్స్ వచ్చేలా ఉండటంతో పాటు నెక్స్ట్ లెవెల్ లో ఉన్నాయి. బాలీవుడ్ ఇండస్ట్రీలో కూడా ఈ సినిమా అంచనాలకు మించి హిట్టైంది. అయితే థియేటర్లలో సక్సెస్ సాధించిన ఈ సినిమా బుల్లితెర ప్రేక్షకులను ఏ మాత్రం ఆకట్టుకోలేకపోయింది. పదిరోజుల క్రితం కేజీఎఫ్2 తెలుగు వెర్షన్ ప్రముఖ ఎంటర్టైన్మెంట్ ఛానెల్స్ లో ఒకటైన జీ తెలుగు ఛానెల్ లో ప్రసారమైంది.
సాధారణంగా స్టార్ హీరోల సినిమాలు, బ్లాక్ బస్టర్ హిట్టైన సినిమాలు బుల్లితెరపై తొలిసారి ప్రసారమైన సమయంలో మంచి రేటింగ్ ను సొంతం చేసుకుంటాయి. అయితే కేజీఎఫ్ ఛాప్టర్2 సినిమాకు మాత్రం కేవలం 9.15 రేటింగ్ వచ్చింది. కేజీఎఫ్2 హైదరాబాద్ బార్క్ రేటింగ్ కేవలం 6.53 కావడం గమనార్హం. కేజీఎఫ్ ఛాప్టర్1 తొలిసారి బుల్లితెరపై ప్రసారమైన సమయంలో 11.9 రేటింగ్ ను సొంతం చేసుకుంది.
కేజీఎఫ్ ఛాప్టర్1 తో పోల్చి చూస్తే కేజీఎఫ్ ఛాప్టర్2 బిగ్గెస్ట్ బ్లాక్ బస్టర్ అయినప్పటికీ ఆశించిన స్థాయిలో రేటింగ్ ను సొంతం చేసుకోలేదు. రోబో, బిచ్చగాడు సినిమాల రేటింగ్ లలో సగం కూడా కేజీఎఫ్2 సాధించకపోవడం ఆ సినిమా అభిమానులకు షాకిస్తోంది. తక్కువ రోజులకే ఓటీటీలో అందుబాటులోకి రావడం కూడా కేజీఎఫ్2 సినిమాకు ఒక విధంగా మైనస్ అయిందని కామెంట్లు వ్యక్తమవుతున్నాయి.
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
