Mahesh Babu, Allu Arjun: మహేష్ రిజెక్ట్ చేసి బన్నీ బ్లాక్ బస్టర్ హిట్స్ సాధించిన మూడు సినిమాలివే!

సూపర్ స్టార్ మహేష్ బాబు (Mahesh Babu) కథల ఎంపికలో ఎన్నో జాగ్రత్తలు తీసుకుంటారు. వేగంగా సినిమాల్లో నటించడం కంటే మంచి సినిమాలలో నటించడానికి మహేష్ బాబు ప్రాధాన్యత ఇస్తారు. అయితే మహేష్ బాబు రిజెక్ట్ చేసిన సినిమాలు బన్నీకి (Allu Arjun) బ్లాక్ బస్టర్ హిట్లను అందించాయి. రుద్రమదేవి (Rudramadevi) సినిమాలో గోన గన్నారెడ్డి రోల్ కోసం గుణశేఖర్ (Gunasekhar) మహేష్ బాబును సంప్రదించగా కొన్ని రీజన్స్ వల్ల మహేష్ ఆ రోల్ ను వదులుకున్నారు. అల్లు అర్జున్ ఆ సినిమాలో నటించి బాక్సాఫీస్ వద్ద హిట్ సొంతం చేసుకున్నారు.

అల వైకుంఠపురములో (Ala Vaikunthapurramuloo) సినిమా కథను కూడా త్రివిక్రమ్ (Trivikram) మొదట మహేష్ కు చెప్పగా కొన్ని కారణాల వల్ల మహేష్ బాబు గ్రీన్ సిగ్నల్ ఇవ్వలేదని బన్నీ ఆ సినిమాలో నటించి బ్లాక్ బస్టర్ హిట్ సాధించారని తెలుస్తోంది. పుష్ప (Pushpa) సినిమాకు సైతం మహేష్ బాబు ఫస్ట్ ఆప్షన్ కాగా లుక్ మార్చుకోవడానికి ఇష్టపడని మహేష్ ఆ సినిమాను రిజెక్ట్ చేశారు. అయితే బన్నీ పుష్ప ది రైజ్ తో ఏ రేంజ్ హిట్ కొట్టారో ప్రత్యేకంగా చెప్పాల్సిన అవసరం లేదు.

బాలీవుడ్ ఇండస్ట్రీలో సైతం బన్నీ మార్కెట్ పెరగడానికి పుష్ప ది రైజ్ కారణమైంది. వేర్వేరు కారణాల వల్ల పుష్ప ది రూల్ వాయిదా పడినా ఈ ఏడాదే పుష్ప ది రూల్ మూవీ థియేటర్లలో విడుదల కానుందనే సంగతి తెలిసిందే. పుష్ప ది రూల్ బడ్జెట్ 300 కోట్ల రూపాయల కంటే ఎక్కువ మొత్తం కావడం గమనార్హం. పుష్ప ది రూల్ సినిమా క్వాలిటీ కోసమే మేకర్స్ రిలీజ్ డేట్ ను వాయిదా వేశారని సమాచారం అందుతోంది.

పుష్ప ది రూల్ (Pushpa 2) సినిమాపై ఇతర భాషల్లో సైతం మంచి అంచనాలు నెలకొన్నాయనే సంగతి తెలిసిందే. పుష్ప ది రూల్ సినిమా చిన్నపిల్లల నుంచి పెద్దవాళ్ల వరకు అందరినీ ఆకట్టుకునేలా ఉండనుందని కామెంట్లు వ్యక్తమవుతూ ఉండటం గమనార్హం.