తెలుగు సినిమాలకు ఎంతమంది రివ్యూలు రాసినా, ఎంత రేటింగ్‌లు ఇచ్చినా… మహేష్ బాబు వస్తేనే ప్రేక్షకులకు మజా. సినిమా గురించి మహేష్ ఏం చెబుతాడా అని అభిమానులూ ఎదురు చూస్తూ ఉంటారు. అలా ‘వకీల్‌సాబ్‌’ సినిమా గురించి మహేష్ రివ్యూ ఏమొస్తుందా అని అందరూ వెయిట్‌ చేస్తున్నారు. మెగా కుటుంబం రివ్యూలు చూసి ఓవైపు ఆనందిస్తున్నా… పవర్‌ స్టార్‌ గురించి సూపర్‌ స్టార్‌ ఏమంటాడా అనే ఆలోచన అయితే నడిచింది.
దీనికి తెరదించుతూ.. మహేష్ తన రివ్యూ ఇచ్చేశాడు. శుక్రవారం విడుదలైన ‘వకీల్‌సాబ్‌’ను మహేష్ శనివారం చూసినట్లున్నారు. నిన్న రాత్రి సినిమా గురించి వరుస ట్వీట్లలో మెచ్చుకున్నాడు సూపర్‌స్టార్‌. సినిమా అద్భుతంగా ఉందంటూ ట్విటర్‌లో ప్రశంసించిన మహేష్…. లాయర్‌గా పవన్‌ కల్యాణ్‌ అద్భుతంగా నటించాడని మెచ్చుకున్నాడు. పవన్‌ నటన చాలా శక్తిమంతంగా ఉందంటూ కామెంట్‌ చేసి అభిమానులకు ఊపు తీసుకొచ్చాడు మహేష్. ప్రకాశ్‌రాజ్‌ గొప్ప ప్రతిభాశాలి అని ఈ సినిమాతో మరోసారి రుజువైందన్నాడు.
సినిమాలో కీలక పాత్రలు పోషించిన నివేదా థామస్‌, అంజలి, అనన్యను కూడా మెచ్చుకున్నాడు మహేష్. వారి నటన హృదయాన్ని హత్తుకుంది అని చెప్పాడు. ఇక తమన్‌ సంగీతం సినిమాను మరో స్థాయిలో నిలబెట్టిందని చెప్పాడు మహేష్. వేణు శ్రీరామ్‌ దర్శకత్వం వహించిన ‘వకీల్ సాబ్’ను దిల్‌ రాజు నిర్మించారు. శ్రుతిహాసన్‌ కథానాయికగా నటించింది.
.@PawanKalyan in top
form… Delivers a power-packed performance in #VakeelSaab!! What a comeback 👏👏👏 @prakashraaj is absolutely brilliant 👏👏— Mahesh Babu (@urstrulyMahesh) April 10, 2021
Most Recommended Video
వకీల్ సాబ్ సినిమా రివ్యూ & రేటింగ్!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
జాతి రత్నాలు, ఉప్పెన, క్రాక్..ఇలా బాలీవుడ్ కు చాలానే వెళ్తున్నాయి..!
