కొంచెం మాస్, కొంచెం క్లాస్‌, కావాల్సినంత వినోదం… ఇవన్నీ కలిస్తే అనిల్‌ రావిపూడి సినిమా. నేపథ్యం ఏదైనా… ఆయన సినిమా ఇలానే ఉంటూ వస్తోంది. అందుకే ప్రేక్షకులు విజయాల్ని అందిస్తూ వస్తున్నారు. ఈ జోరులో అనిల్‌ చూపు ఇప్పుడు క్రికెట్‌ మీద పడిందని టాక్. స్పోర్ట్స్‌ బ్యాక్‌డ్రాప్‌ అనిల్‌ ఓ కథ సిద్ధం చేసుకున్నారని లేటెస్ట్‌ టాక్. అంతేకాదు ఆ సినిమాలో హీరో మహేష్‌బాబు అట. ఇందులో మహేష్ కోచ్‌గా కనిపిస్తాడని కూడా వార్తలొస్తున్నాయి.
మహేష్ – అనిల్‌ కాంబినేషన్‌లో ఓ సినిమా ఉంటుందని చాలా రోజుల నుండి వార్తలొస్తున్నాయి. అన్నీ కుదిరితే త్రివిక్రమ్‌ సినిమా తర్వాత కానీ, ఆ తర్వాత మొదలవుతుంది అంటున్న రాజమౌళి సినిమా తర్వాత కానీ అనిల్‌ సినిమా ఉంటుందంటున్నారు. ఇదే విషయమై ఈ మధ్య అనిల్‌ కూడా మాట్లాడుతూ మహేష్‌తో సినిమా కచ్చితంగా ఉంటుందని చెప్పుకొచ్చాడు. అయితే ఆ మధ్య వీరి కలయికలో వచ్చే సినిమా ‘సరిలేరు నీకెవ్వరు’కి సీక్వెల్‌ అనే పుకార్లూ వచ్చాయి.
అనిల్‌కు సీక్వెల్‌ ఆలోచన లేదట. చేస్తే కొత్త కథో చేద్దాం అని అనుకుంటున్నారట. అందుకే క్రికెట్‌ బ్యాక్‌డ్రాప్‌ సినిమా చేద్దామని ఫిక్స్‌ అయ్యారట. ఇప్పటికే ఈ పాయింట్‌ను మహేష్‌కు అనిల్‌ చెప్పినట్లు కూడా తెలుస్తోంది. ‘ఎఫ్‌ 3’ అయ్యాక అనిల్‌ నందమూరి బాలకృష్ణతో ‘రామారావుగారూ’ అనే సినిమా చేస్తారని టాక్. ఆ తర్వాతే మహేష్‌తో సినిమా ఉంటుందంటున్నారు. ఈలోగా మహేష్ త్రివిక్రమ్‌ సినిమా, కుదిరితే రాజమౌళి సినిమా పూర్తి చేసేస్తాడట.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
