Ram Charan, Shankar: చరణ్ శంకర్ మూవీలో మరో హీరో!

చరణ్ శంకర్ కాంబినేషన్ లో ఒక సినిమా తెరకెక్కనున్న సంగతి తెలిసిందే. వచ్చే నెల నుంచి ఈ సినిమా షూటింగ్ మొదలుకానుంది. ప్రముఖ మలయాళీ నటుడు జయరామ్ ఈ సినిమాలో కీలక పాత్రలో నటిస్తున్నట్టు తెలుస్తోంది. అల వైకుంఠపురములో సినిమాతో జయరామ్ నటుడిగా తెలుగు ప్రేక్షకులకు చేరువయ్యారు. ఆ సినిమాలో సుశాంత్ తండ్రి పాత్రలో జయరామ్ నటించారు. చరణ్ శంకర్ మూవీలో జయరామ్ నెగిటివ్ షేడ్స్ ఉన్న రోల్ లో నటిస్తున్నారని తెలుస్తోంది.

మలయాళంలో హీరోగా మంచి గుర్తింపు తెచ్చుకున్న జయరామ్ ఈ సినిమాలో నటిస్తే బిజినెస్ పరంగా సినిమాకు హెల్ప్ అయ్యే అవకాశం ఉంటుంది. ఆచార్య, ఆర్ఆర్ఆర్ సినిమాల తర్వాత చరణ్ నటిస్తున్న సినిమా కావడంతో ఈ సినిమాపై అంచనాలు భారీగా పెరిగాయి. కియారా అద్వానీ ఈ సినిమాలో హీరోయిన్ రోల్ లో నటిస్తుండగా థమన్ ఈ సినిమాకు సంగీతం అందిస్తున్నారు. దిల్ రాజు భారీ బడ్జెట్ తో ఈ సినిమాను నిర్మిస్తుండటం గమనార్హం.

చరణ్ కెరీర్ లోని హైయెస్ట్ బడ్జెట్ సినిమాల్లో ఈ సినిమా కూడా ఒకటని చెప్పవచ్చు. పాన్ ఇండియా మూవీగా ఈ సినిమా తెరకెక్కుతున్న నేపథ్యంలో ఇతర భాషల నటీనటులు ఈ సినిమాలో ఉండే విధంగా శంకర్ జాగ్రత్తలు తీసుకుంటున్నారు. వచ్చే నెలలో ఈ సినిమా షూటింగ్ ప్రారంభం కానుందని తెలుస్తోంది. శంకర్ ప్రస్తుతం ప్రీ ప్రొడక్షన్ పనులలో భాగంగా ఆర్టిస్టుల ఎంపిక ప్రక్రియ చేపడుతున్నారని సమాచారం.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!